24 noyabr 2024, bazar Bakı, 13°C
IMG-LOGO
  • 24 noyabr 2024, bazar 19:21:12 Bakı , 13°C
Ana səhifə Xəbərlər Ətraflı

Xəbər lenti:

Ankarada türk dövlətləri arasında əmək və sosial müdafiə sahəsində əməkdaşlıq müzakirə olunub

31-10-2024
IMG

Ankarada türk dövlətləri arasında əmək və sosial müdafiə sahəsində əməkdaşlıq mövzusunda dəyirmi masa keçirilib.

Fhnews.az Türkiyənin Əmək və Əhalinin Sosial Müdafiəsi Nazirliyinə istinadla xəbər verir ki, dəyirmi masanın açılışında nazirliyin rəhbəri, professor Vedat İşıkhan çıxış edərək Prezident Rəcəb Tayyib Ərdoğanın Türk Dövlətləri Təşkilatına (TDT) verdiyi əhəmiyyətə diqqət çəkib.

O, TDT ölkələri liderlərinin birgə səylərinin güclü qarşılıqlı fəaliyyət platforması yaratmağa imkan verəcəyinə və türk dövlətlərinin yaxınlaşmasını təmin edəcəyinə əminliyini ifadə edib.

İşıkhan Türkiyə paytaxtında keçirilən dəyirmi masanı birgə TDT layihələrinin həyata keçirilməsi istiqamətində növbəti addım adlandırıb. “Biz sosial müdafiə sistemini gücləndirməyə və əməkçilərin hüquqlarını qorumaq üçün birgə addımlar strategiyalarını hazırlamağa çalışırıq. Bütün bunlar son nəticədə ölkələrimizin əhalisinin həyatının yaxşılaşmasına öz töhfəsini verir”, - deyə nazir bildirib.

Müzakirələrdə TDT-nin Baş katibi Kubanıçbek Ömüralıyev, Azərbaycanın əmək və əhalinin sosial müdafiəsi naziri Sahil Babayev, ŞKTC-nin əmək və əhalinin sosial müdafiəsi naziri Sadık Gardiyanoğlu və başqaları iştirak ediblər.

Paylaş:

Kateqoriyalar

Eyni kateqoriyalı xəbərlər