14 mart 2025, cümə Bakı, 13°C
IMG-LOGO
  • 14 mart 2025, cümə 11:18:06 Bakı , 13°C
Ana səhifə Xəbərlər Ətraflı

Xəbər lenti:

Cəlilabadda yağan qar nəqliyyatın hərəkətində çətinliklər yaradıb

14-01-2024

Dünən günorta saatlarından başlayaraq Cəlilabad rayonu ərazisində güclü qar yağır. Rayonun bəzi yaşayış məntəqələrində qarın hündürlüyü 40 santimetrə çatır.

Fhnews.az xəbər verir ki, Cəlilabad Rayon Fövqəladə Hallar Komissiyasından verilən məlumata görə, qar rayonda su, qaz və rabitə sahəsində ciddi problem yaratmayıb. Buna baxmayaraq, qarlı hava şəraiti rayonun avtomobil yollarında hərəkətin intensivliyinə öz təsirini göstərib. Qar səbəbindən Cəlilabad-Yardımlı avtomobil yolu qismən bağlanıb. Nəticədə avtomobillərin hərəkətində müəyyən çətinliklər yaranıb.

Hazırda aidiyyəti qurumlar tərəfindən qarın ən çox yağdığı ərazilərdə vəziyyətə nəzarət edilir. Texnika və canlı qüvvə gecədən rayon ərazisinin, magistral və dağətəyi kənd yollarının qardan təmizlənilməsinə cəlb olunub. Bağlanması ehtimal edilən yollar qardan təmizlənir, yollara qum səpilib.

Görülmüş təxirəsalınmaz tədbirlər nəticəsində yollarda nəqliyyat vasitələrinin hərəkəti yaxın saatlarda tam bərpa ediləcək.

Qeyd edək ki, rayonun ucqar dağ kəndlərində küləklə müşayiət olunan güclü qar yağmaqda davam edir. Cəlilabad şəhərində 30-35 santimetr qalınlığında olan qar rayonun ucqar kəndlərində 40-45 santimetrə çatıb.

Paylaş:

Kateqoriyalar

Eyni kateqoriyalı xəbərlər