24 noyabr 2024, bazar Bakı, 13°C
IMG-LOGO
  • 24 noyabr 2024, bazar 18:20:05 Bakı , 13°C
Ana səhifə Xəbərlər Ətraflı

Xəbər lenti:

Muxtar respublikada elektron imza infrastrukturu yenilənib

09-07-2024
IMG

Naxçıvan Muxtar Respublikasının Rəqəmsal İnkişaf və Nəqliyyat Nazirliyi İnformasiya texnologiyaları sahəsində gedən inkişaf proseslərini nəzərə alaraq, elektron imza infrastrukturunun təhlükəsizliyinin gücləndirilməsi məqsədilə “SÍMA Token” elektron imzanın tətbiqində texnoloji dəyişikliklər edib.

Fhnews.az xəbər verir ki, Muxtar respublikanın Rəqəmsal İnkişaf və Nəqliyyat Nazirliyinin mətbuat xidmətindən verilən məlumata görə, yenilənmiş elektron imza infrastrukturunun təhlükəsiz fəaliyyətinin təmin edilməsi üçün sertifikatın hazırlanması prosesi iyulun 1-dən nazirlik tərəfindən yeni sistem üzərindən həyata keçirilir.

Qeyd edək ki, elektron imza rəqəmsal dünyada şəxsiyyəti müəyyənləşdirmə vasitəsidir. Yeni sistemə keçid öz növbəsində sertifikatların hazırlanma prosesini tezləşdirərək daxil olan müraciətlərin daha sürətli və təhlükəsiz şəkildə hazırlanmasına, o cümlədən imzalama əməliyyatlarının daha rahat, sürətli və etibarlı şəkildə icra edilməsinə şərait yaradacaq.

Muxtar respublikada elektron imzanın tətbiqi və dövlət orqanlarında elektron xidmətlərin göstərilməsi uğurla həyata keçirilib. Belə ki, cari ilin yanvar-iyun aylarında 396 elektron imza istifadəçilərə təqdim edilib ki, bunun da 38,9 faizi dövlət qurumlarının payına düşüb.

Elektron imza imzadan hər kəs istifadə edə bilər. Elektron imza almaq istəyən şəxslər müvafiq sənədləri Naxçıvan Muxtar Respublikasının Rəqəmsal İnkişaf və Nəqliyyat Nazirliyinə təqdim edə bilərlər. Elektron imzadan istifadə qaydaları, ödəniləcək dövlət rüsumu, o cümlədən digər məlumatları nmincom.gov.az və token.sima.az saytı vasitəsilə əldə etmək olar.

Paylaş:

Kateqoriyalar

Eyni kateqoriyalı xəbərlər