31 yanvar 2025, cümə Bakı, 9°C
IMG-LOGO
  • 31 yanvar 2025, cümə 02:01:29 Bakı , 9°C
Ana səhifə Xəbərlər Ətraflı

Xəbər lenti:

Fransız Alplarında qar uçqunu nəticəsində 5 xizəkçi ölüb

30-01-2025
IMG

Fransız Alplarında iki ayrı qar uçqunu nəticəsində beş xizəkçi həlak olub.

Fhnews.az xarici mediaya istinadla xəbər verir ki, Alp dağlarının Fransa ərazisində yerləşən Savoya bölgəsində qar uçqunu nəticəsində dörd norveçli xizəkçi həlak olub.

Yeddi xizəkçidən ibarət qrup müəyyən edilmiş cığırdan kənar turda olarkən güclü qar uçqunu baş verib və onlardan dördü itkin düşüb. Hadisə yerindən üç cəsəd çıxarılıb, Qrenobldakı xəstəxanaya çatdırılan qadının isə daha sonra öldüyü məlum olub.

Bu arada, isveçrəli xizəkçi Mont Blan massivinin şimalında yerləşən Vallorsin yaxınlığında baş verən qar uçqunu altında qalaraq həlak olub. “Le Figaro” qəzetinin məlumatına görə, onun atası heç bir xəsarət almayıb, qardaşı isə müayinə olunmaq üçün xəstəxanaya aparılıb.

Savoya prefekturası qar uçqunu riskinin artması ilə bağlı səyahətçilərə xəbərdarlıq edib.

Bu faciələrdən bir gün əvvəl 55 yaşlı britaniyalı xizəkçi də Mont Blank bölgəsində qar uçqunu altında qalaraq ölüb.

Paylaş:

Kateqoriyalar

Eyni kateqoriyalı xəbərlər