31 yanvar 2025, cümə Bakı, 9°C
IMG-LOGO
  • 31 yanvar 2025, cümə 01:42:50 Bakı , 9°C
Ana səhifə Xəbərlər Ətraflı

Xəbər lenti:

ABŞ-da qəzaya uğrayan təyyarədə ölənlərin olduğu təsdiqlənib YENİLƏNİB 2

30-01-2025
IMG

Reyqan Hava limanı yaxınlığında təyyarə ilə helikopterin toqquşması nəticəsində hələ ki sağ kiminsə tapılmadığı bildirilir.

Fhnews.az xəbər verir ki, bu barədə paytaxt Vaşinqtondan rəsmi şəxs “Washington Post”a açıqlayıb. Vəziyyətlə bağlı danışmaq səlahiyyəti olmadığı üçün adının açıqlanmasını istəməyən rəsmi bildirib ki, xilasedicilər cəsədləri sudan çıxarıb və onları “ Frederik Duqlas” xatirə körpüsü yaxınlığındakı polis departamentinin hava dəstəyi bazasına gətirirlər. O, dəqiq sayı açıqlamayıb. Rəsmi şəxs qeyd edib ki, yerli vaxtla saat 22:30-a olan məlumata əsasən uğurlu xilasetmə işi baş tutmayıb, yəni sağ heç kim tapılmayıb.

07:49

“American Airlines” Reyqan hava limanı yaxınlığında qəzaya uğrayan təyyarənin göyərtəsində 60 sərnişin və 4 ekipaj üzvünün olduğunu açıqlayıb.

Fhnews.az  CNN-ə istinadla verdiyi məlumata görə, Ağ evin mətbuat katibi Kerolayn Livitt Prezident Donald Trampın Vaşinqtonun Reyqan hava limanı yaxınlığında hərbi helikopter və təyyarənin toqquşması ilə bağlı məlumatlandırıldığını təsdiqləyib.

ABŞ müdafiə departamenti rəsmisinin dediyinə görə, sərnişin təyyarəsi ilə toqquşan ABŞ ordusuna məxsus “Black Hawk” helikopterində üç nəfər ekipaj üzvü olub. Helikopter yüksəkrütbəli şəxsi daşımayıb. Qeyd olunur ki, yüksəkrütbəli ordu rəsmiləri adətən Vaşinqtona “Black Hawk” helikopterində gəlirlər.

07:32

ABŞ-da Virciniya ştatında Ronald Reyqan hava limanı yaxınlığında uçuş-enmə zolağına yaxınlaşan təyyarə helikopterlə toqquşub.

Fhnews.az xəbər verir ki, təyyarə hava limanı yanında Potomak çayına düşüb. Məlumata əsasən, qəzaya uğrayan təyyarə Kanzas ştatının Viçita şəhərindən uçuş həyata keçirib. O, hərbi helikopterlə toqquşub.

Reyqan hava limanında bütün uçuşlar və enişlər dayandırılıb. Hələlik heç bir itki barədə məlumat yoxdur.

Vaşinqton polisinin bildirdiyinə görə, hadisə yerində axtarış-xilasetmə əməliyyatı aparılır.

Paylaş:

Kateqoriyalar

Eyni kateqoriyalı xəbərlər