24 noyabr 2024, bazar Bakı, 14°C
IMG-LOGO
  • 24 noyabr 2024, bazar 09:07:08 Bakı , 14°C
Ana səhifə Xəbərlər Ətraflı

Xəbər lenti:

BDU-nun Kimya fakültəsini seçmək istəyən abituriyentlərin nəzərinə

09-08-2024
IMG

Bakı Dövlət Universitetinin (BDU) Kimya fakültəsində 7 kafedra, 5 elmi-tədqiqat, 28 tədris laboratoriyası fəaliyyət göstərir. Fakültənin elmi-tədqiqat və tədris laboratoriyaları müasir avadanlıqlarla təchiz olunub.

Fhnews.az xəbər verir ki, Universitetdən verilən məlumata görə, fakültənin tələbə və magistrantları BDU-nun Tədqiqat, İnkişaf və İnnovasiyalar üzrə Mükəmməllik Mərkəzində fəaliyyət göstərən laboratoriyalarda tədqiqat aparmaq imkanına malikdirlər.

Fakültədə Ümumi və qeyri-üzvi kimya, Üzvi kimya, Analitik kimya, Fiziki və kolloid kimya, Neft kimyası və kimya texnologiyası, Yüksəkmolekullu birləşmələr kimyası, Kimyanın tədrisi metodikası kafedraları fəaliyyət göstərir.

Fakültədə kimya, kimya mühəndisliyi, kimya müəllimliyi ixtisasları üzrə kadr hazırlığı aparılır.

Kimya ixtisasını bitirən tələbələr kimya, neft kimyası sənayesi müəssisələrində, kimya profilli elmi-tədqiqat institutlarında işləyə bilərlər.

Kimya müəllimliyi ixtisasını bitirən tələbələr respublikamızın orta məktəblərində, liseylərində kimya fənnini tədris edə bilərlər.

Kimya mühəndisliyi ixtisasında neft-qaz, boya, kimya, plastik maddələr, ərzaq, əczaçılıq və digər emal sənayeləri üçün yüksəkixtisaslı mütəxəssislərin hazırlığı aparılır.

Fakültədə tədris Azərbaycan, rus və ingilis dillərində həyata keçirilir.

Paylaş:

Kateqoriyalar

Eyni kateqoriyalı xəbərlər