24 noyabr 2024, bazar Bakı, 15°C
IMG-LOGO
  • 24 noyabr 2024, bazar 10:40:07 Bakı , 15°C
Ana səhifə Xəbərlər Ətraflı

Xəbər lenti:

Astarada fəaliyyət göstərən kafedə normativ tələblərin pozulduğu müəyyən olunub

30-09-2024
IMG

Astara şəhərinin M.Rəhimov küçəsində fiziki şəxs Həbibov Azər Balacan oğluna məxsus “Köhnə Qala” kafesində Qida Təhlükəsizliyi Agentliyinin əməkdaşları tərəfindən aparılan planlı yoxlama zamanı qida təhlükəsizliyi sahəsində normativ hüquqi aktların tələblərinin pozulduğu müəyyən edilib.

Agentliyin İnformasiya təminatı və innovativ həllər şöbəsindən verilən məlumata görə, qida obyektində sanitar-gigiyenik tələblərə əməl olunmadığı, işçi heyətin tibbi müayinədən keçmədiyi, döşəmə, tavan və divar səthlərinin təmirsiz olduğu, müvafiq təmizlik işlərinin aparılmadığı, pəncərələrə qoruyucu tor örtük vurulmadığı, qida məhsulları ilə təmasda olan səthlərin hamar, yuyula bilən və korroziyaya davamlı materialla üzlənmədiyi, mexaniki havalandırma sisteminin mövcud olmadığı, tullantılar üçün ağzı kip, qoxu yaymayan qabların təmin edilmədiyi aşkarlanıb.

Faktla bağlı qanunvericiliyə uyğun müvafiq tədbirlər görülərək sahibkar barəsində inzibati protokol tərtib edilib, kafenin fəaliyyəti məhdudlaşdırılıb.

Paylaş:

Kateqoriyalar

Eyni kateqoriyalı xəbərlər