10 yanvar 2025, cümə
Bakı, 5°C
- 10 yanvar 2025, cümə 00:38:38 Bakı , 5°C
Los-Ancelesdə meşə yanğınları ilə mübarizə aparan briqadalar su çatışmazlığı ilə üzləşiblər
Los-Ancelesdə tüğyan edən çoxsaylı meşə yanğınları ilə mübarizə aparan xilasetmə briqadaları güclü külək, aşağı rütubət və alovu söndürmək üçün su çatışmazlığı ilə üzləşiblər.
Fhnews.az xəbər verir ki, nəzarətdən çıxan yanğın nəticəsində azı 5 nəfər həlak olub. Los-Anceles ətrafında tüğyan edən meşə yanğınları çərşənbə günü Hollivud təpələrinə yayılıb. “Reuters” xəbər verir ki, yanğın yüzlərlə evi məhv edib, yanğınsöndürənlərin resursları və su ehtiyatı tükənib.
Los-Anceles rəsmiləri bələdiyyə su sistemlərinin səmərəli işlədiyini, lakin onların meşə yanğınları ilə mübarizə üçün deyil, şəhər mühiti üçün nəzərdə tutulduğunu bildirib. Devisdəki Kaliforniya Universitetinin Mülki inşaat və ətraf mühit kafedrasının professoru Cey Landın sözlərinə görə, şəhər su anbarları bir qayda olaraq Los-Ancelesdəki kimi böyük yanğınlarla deyil, yerli yanğınlarla mübarizə aparmaq üçün nəzərdə tutulub.
Quru külək yanğınların söndürülməsini çətinləşdirdiyi və alovun yayılmasına səbəb olduğu üçün 100 mindən çox insan təxliyə göstərişi alıb.
Su qıtlığı meşə yanğınının təxminən 4856 hektar ərazini məhv etdiyi əsas sahil bölgəsi olan Pasifik-Paliseydsdə də işi çətinləşdirib.
Departament Los-Anceles sakinlərini suya qənaət etməyə çağırıb. Problem su qıtlığından daha çox böyük həcmdə suyun lazım olan konkret nöqtəyə tez çatdırılmasının çətinliyindədir ki, bu da elektrik enerjisi və infrastruktura böyük investisiyaların qoyulmasını tələb edir.
Salvadorda 5,8 bal maqnitudada zəlzələ...
Los-Ancelesdə daha 200 min nəfərə...
Oman, Səudiyyə Ərəbistanı və Qətərdə...
İngiltərədə soyuq hava dalğası və...
Şirin su heyvanlarının təxminən dörddə...
