19 yanvar 2025, bazar Bakı, 7°C
IMG-LOGO
  • 19 yanvar 2025, bazar 04:41:16 Bakı , 7°C
Ana səhifə Xəbərlər Ətraflı

Xəbər lenti:

“NASA” teleskopundan 2,5 milyard piksel Andromeda fotoşəkili

18-01-2025
IMG

Süd Yolunun ən böyük qonşusu olan M31 kimi də tanınan Andromeda 2,5 milyon işıq ili uzaqlıqda yerləşir. Astronomlar onun gələcəyini daha yaxşı başa düşmək üçün Süd Yolunun bu qonşu spiral qalaktikasını tədqiq edirlər. 

Bu araşdırmalar çərçivəsində “Hubble” Kosmik Teleskopu tərəfindən ən az 10 il ərzində çəkilmiş şəkillər birləşdirilərək 2,5 milyard piksellik Andromeda fotoşəkili yaradılıb. NASA bildirir ki, bu, “Hubble”ın indiyə qədər etdiyi ən böyük kollajdır.

Teleskop qalaktikada təxminən 200 milyon ulduzun şəklini çəkə bilib. Amma “Hubble” yalnız 1 trilyon ulduzun olduğu düşünülən qalaktikada Günəşdən daha parlaq olanları tuta bilib.

Alimlər müəyyən ediblər ki, Andromeda düşünüldüyündən daha xaotik vəziyyətdədir. Qalaktikada Samanyolu ilə müqayisədə daha çox gənc ulduz olduğu müəyyən edilib. Tədqiqatçıların fikrincə, bu, Andromedanın son toqquşması nəticəsində yeni ulduzların formalaşmağa başladığı anlamına gələ bilər.

Andromedanın Messier 32 adlı peyk qalaktikası ilə əlaqə qurduqdan sonra kiçik qonşusunun qazını oğurladığı və bu şəkildə yeni ulduzların əmələ gəldiyi düşünülür.

Tədqiqatçılar qalaktikadakı ulduzların yüksək keyfiyyətli təsvirləri vasitəsilə Andromedanın keçmişi haqqında daha çox məlumat əldə etməyə ümid edirlər.

Paylaş:

Kateqoriyalar

Eyni kateqoriyalı xəbərlər