4 dekabr 2024, çərşənbə Bakı, 11°C
IMG-LOGO
  • 4 dekabr 2024, çərşənbə 12:52:36 Bakı , 11°C
Ana səhifə Xəbərlər Ətraflı

Xəbər lenti:

Azərbaycan səfirliyinin təşəbbüsü ilə Braziliyada ağacəkmə aksiyası keçirilib

30-11-2024
IMG

“Yaşıl dünya naminə həmrəylik ili” çərçivəsində noyabr 28-də Braziliya paytaxtının şəhər parkında Azərbaycanın bu ölkədəki səfirliyinin təşəbbüsü və təşkilatçılığı ilə “Bakıdan Belemə” adlı ağacəkmə aksiyası keçirilib.

Səfirlikdən bildiriblər ki, aksiyada COP29-u simvolizə edən 29 ədəd ağ və bənövşəyi ipe ağacı əkilib.

Aksiyada çıxış edən səfir, Braziliya-Azərbaycan parlamentlərarası dostluq qrupunun həmsədri, PSD partiyasının və Amazon parlamentinin üzvü, Mercosul Parlamentində Braziliya nümayəndə heyətinin rəhbəri senator Nelsinyo Trace və Braziliya turizm naziri kabinetinin rəhbəri Janara Braqa əkilən hər bir ağacın, dekarbonizasiya və iqlim dəyişmələri ilə mübarizə istiqamətində atılan hər bir addımın atmosferdəki istixana qazlarının səviyyəsini və ətraf mühitə təsirləri azaltmaq üçün vacib proses, o cümlədən gələcək nəsillər üçün güclü mesaj olduğunu qeyd ediblər.

Çıxışlarda, həmçinin COP29 konfransının əhəmiyyəti, növbəti ildə Belem şəhərində keçiriləcək COP30, Azərbaycanla Braziliyanın birgə maraqlarından və sadiq olduqları öhdəliklərdən irəli gələn qarşılıqlı əməkdaşlıq məsələləri xüsusi vurğulanıb.

Tədbirdə Braziliyada akkreditə olunmuş diplomatik korpusun üzvləri (Qazaxıstan, Belarus, Oman, BƏƏ, Norveç, Macarıstan, İran, Surinam, Kamerun, Serbiyanın səfirləri, diplomatik korpusun digər təmsilçiləri), Federal Senatın, Federal hökumətin, Federal Dairə və Şəhər Parkı Administrasiyasının nümayəndələri iştirak ediblər.

Paylaş:

Kateqoriyalar

Eyni kateqoriyalı xəbərlər