2 aprel 2025, çərşənbə Bakı, 11°C
IMG-LOGO
  • 2 aprel 2025, çərşənbə 05:46:57 Bakı , 11°C
Ana səhifə Xəbərlər Ətraflı

Xəbər lenti:

Yoonun həbs müddətinin uzadılması tələbi rədd edilib

24-01-2025
IMG

Cənubi Koreya məhkəməsi 2024-cü il dekabrın 3-də hərbi vəziyyət elan edilməsi ilə bağlı aparılan istintaq çərçivəsində prezident vəzifəsindən kənarlaşdırılan və yanvarın 19-da həbs edilən Yoon Suk Yeolun həbs müddətinin uzadılması tələbini rədd edib.

“Yonhap”ın məlumatına görə, Seul Mərkəzi Məhkəməsi ittiham tərəfinin tələbi ilə bağlı qərarını açıqlayıb.

Məhkəmə Yoonun həbs müddətinin fevralın 6-na qədər uzadılması tələbini prokurorluğun səlahiyyətində olan istintaqın davam etdirilməsi üçün heç bir ehtimal səbəbinin olmadığını əsas gətirərək rədd edib.

Sorğunun rədd edilməsi ilə prokurorluğun Korrupsiya İstintaq İdarəsinin  çağırışlarını rədd edən və ifadə verməyə getməyən Yoonu dindirmək üçün vaxtı məhdud olub.Hərbi vəziyyətlə bağlı təhqiqat aparan Korrupsiya İstintaq İdarəsi dünən ittiham aktının hazırlanmasını tələb edərək, faylı prokurorluğa göndərib.

Qeyd edək ki, Cənubi Koreya Milli Assambleyası tərəfindən hərbi vəziyyətin elan edilməsinin konstitusiyaya zidd olduğu əsası ilə vəzifəsindən uzaqlaşdırılan Yoon hərbi vəziyyətlə bağlı aparılan istintaq çərçivəsində yanvarın 15-də saxlanılıb.

İlk gün 10 saatdan çox dindirilən Yoonun ifadə verməkdən imtina etdiyi bildirilib. Cənubi Koreya tarixində saxlanılan ilk dövlət başçısı Yoon dindirildikdən sonra təcridxanaya köçürülüb. Sonrakı günlərdə səlahiyyətlilərin Yoonu sorğu-sual etmək cəhdləri də uğursuz oldu.

Yoon yanvarın 19-da Seul Qərb Dairə Məhkəməsinin qərarı ilə "iğtişaşa rəhbərlik etmək" və "vəzifə səlahiyyətlərindən sui-istifadə" ittihamı ilə həbs edilib.
Konstitusiya Məhkəməsində 2024-cü il dekabrın 3-də hərbi vəziyyətin elan edilməsi ilə əlaqədar Yoona qarşı başlanmış impiçment işi davam edir.

Paylaş:

Kateqoriyalar

Eyni kateqoriyalı xəbərlər