2 aprel 2025, çərşənbə Bakı, 11°C
IMG-LOGO
  • 2 aprel 2025, çərşənbə 05:37:30 Bakı , 11°C
Ana səhifə Xəbərlər Ətraflı

Xəbər lenti:

Yapon alimləri dünyanın ən böyük “biohibrid” robot əlini hazırlayıblar

23-02-2025
IMG

Yaponiya alimləri əzələ toxumalarından istifadə edərək hərəkət edən ən böyük "biohibrid" robot əl istehsal ediblər.

Rəsmi “Kyodo” agentliyinin məlumatına görə, Yaponiyanın Tokio və Vaseda Universitetlərindən olan tədqiqatçılar insan bədənindən götürülmüş çoxsaylı nazik əzələ toxumalarını birləşdirərək, tək böyük əzələ kimi fəaliyyət göstərmək üçün yuvarlayıblar.

Alimlər laboratoriyada istehsal edilən yuvarlaq formalı əzələ toxumalarından istifadə edərək hərəkət edən və kiçik obyektləri tutmaq kimi bəzi mürəkkəb barmaq hərəkətlərini yerinə yetirə bilən "biohibrid" robot əl hazırlayıblar. Tədqiqatçılar öz növünün "ən böyük" nümunəsi olaraq xarakterizə etdikləri robot əlin ön qolla birlikdə 18 santimetr uzunluğunda olduğunu və bir çox oynaqdan istifadə edərək tək-tək hərəkət edə bilən 5 barmağın olduğunu qeyd ediblər.

Tədqiqatçılar robotun toxumalarında daralma gücünün insan orqanizmində müşahidə edildiyi kimi zamanla azaldığını və 10 dəqiqəlik hərəkətdən sonra yorğunluq əlamətləri göstərdiyini, təxminən bir saatlıq istirahətdən sonra robot əlinin performansının əvvəlki vəziyyətinə qayıtdığını bildiriblər.

Mütəxəssislər inkişaf etdirilən texnologiyanın insana bənzər robotların və ya dəqiq protez əllərin istehsalına yol aça biləcəyini deyirlər.

Paylaş:

Kateqoriyalar

Eyni kateqoriyalı xəbərlər