2 aprel 2025, çərşənbə Bakı, 11°C
IMG-LOGO
  • 2 aprel 2025, çərşənbə 05:45:33 Bakı , 11°C
Ana səhifə Xəbərlər Ətraflı

Xəbər lenti:

Qədim İsgəndəriyyə dəniz səviyyəsinin qalxması səbəbindən çökmə təhlükəsi ilə üzləşir

06-03-2025
IMG

Cənubi Kaliforniya Universitetinin alimlərinin “Earth’s Future” jurnalında dərc edilən araşdırmasına görə, Misirin qədim İsgəndəriyyə şəhəri dəniz səviyyəsinin yüksəlməsi səbəbindən sürətlə çökməkdədir.

Fhnews.az “The Live Science” jurnalına istinadla xəbər verir ki, son 20 ildə sahil eroziyası nəticəsində 280 bina dağılıb, 7 mindən çox bina isə təhlükə altındadır.

Tədqiqatçılar peyk görüntüləri və kimyəvi izotop analizləri əsasında müəyyənləşdiriblər ki, dəniz suyunun yeraltı qatlara daxil olması torpağın zəifləməsinə və binaların çökməsinə səbəb olur. Xüsusilə, 2014-2020-ci illərdə 86 bina tamamilə dağılıb, 201 bina isə qismən zədələnib, nəticədə 85 nəfər həyatını itirib. İqlim dəyişikliyinin təsirləri qlobal miqyasda daha geniş fəsadlar törədir. NASA və NOAA-nın hesabatlarına görə, dəniz səviyyəsinin 21-ci əsrin sonuna qədər 2,2 metrə qədər yüksələcəyi proqnozlaşdırılır, bu isə sahil şəhərlərinin gələcəyini təhlükə altına alır. Alimlər İsgəndəriyyənin qorunması üçün sahil boyu müdafiə sistemlərinin qurulması, binaların möhkəmləndirilməsi və yüksək riskli ərazilərdə yaşayan insanların köçürülməsi kimi tədbirləri təklif edirlər. Tədqiqatın həmmüəllifi Essam Heggy bu prosesin təkcə şəhərin binalarını deyil, bəşəriyyətin mədəni və tarixi irsini qorumaq üçün vacib olduğunu vurğulayıb.

Paylaş:

Kateqoriyalar

Eyni kateqoriyalı xəbərlər