2 aprel 2025, çərşənbə Bakı, 11°C
IMG-LOGO
  • 2 aprel 2025, çərşənbə 05:42:32 Bakı , 11°C
Ana səhifə Xəbərlər Ətraflı

Xəbər lenti:

Peşəkar Çövkən Liqasının qalibi müəyyənləşib

07-12-2024
IMG

Azərbaycan Respublikası Atçılıq Federasiyasının təşkilatçılığı ilə keçirilən Peşəkar Çövkən Liqasında mövsümə yekun vurulub.

Dövlət Sərhəd Xidmətindən bildiriblər ki, Binə Atçılıq Mərkəzinin qapalı manejində son turun oyunları, 3-cü yer və çempionluğu müəyyən edəcək həlledici qarşılaşmalar baş tutub.

Günün ilk görüşündə “Elit” komandası “Şirvan”ı 5-0 hesabı ilə məğlub edib. Növbəti qarşılaşmalarda “Omar” “Qarabağ”ı 7, “Zəfər” “Ağstafa Dilbaz”ı 5, “Polad” “Köhlən”i 12 cavabsız qolla üstələyib.

Günün son, mövsümün isə final matçında “Sərhədçi” “Embavud” üzərində 13-0 hesablı qələbə qazanaraq çempionluq tituluna yiyələnib.

18 tur ərzində keçirilmiş ümumilikdə 90 oyunda əldə edilən nəticələrə əsasən, Peşəkar Çövkən Liqasını “Sərhədçi” birinci, “Polad” ikinci, “Zəfər” isə üçüncü pillədə başa vurub.

Qeyd edək ki, dekabrın 14-24-də çövkən üzrə ənənəvi Prezident Kuboku keçiriləcək.

Paylaş:

Kateqoriyalar

Eyni kateqoriyalı xəbərlər