2 aprel 2025, çərşənbə Bakı, 11°C
IMG-LOGO
  • 2 aprel 2025, çərşənbə 05:48:44 Bakı , 11°C
Ana səhifə Xəbərlər Ətraflı

Xəbər lenti:

Dövlət Məşğulluq Agentliyinin Xankəndidə təşkil etdiyi kurslarda 300-ə yaxın müdavim peşələrə yiyələnir

23-10-2024
IMG

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Xankəndi şəhərində “Accelerated Career Academy” ilə birgə təşkil etdiyi peşə hazırlığı kursları davam edir.

Agentliyin mətbuat xidmətindən verilən məlumata görə, kurslarda işğaldan azad olunan ərazilərə köçürüləcək, hazırda ətraf ərazilərdə məskunlaşmış keçmiş məcburi köçkünlərdən 300-ə yaxın müdavimə tikiş avadanlıqlarının operatoru, tikişçi və yükdaşıma mütəxəssisi peşələri üzrə bilik və bacarıqlar öyrədilir. Həmçinin kurs müddətində müdavimlərə aylıq təqaüd ödənilir.

Nəzəri və praktik hissələrdən ibarət olmaqla, ikinövbəli təşkil olunan kursları uğurla başa vuran şəxslərin Xankəndi şəhərində istifadəyə veriləcək tikiş fabrikində işlə təmin edilməsi nəzərdə tutulub.

Agentliyin İdarə Heyətinin sədri Sadiq Əliyev kurslara cəlb olunmuş müdavimlərlə görüşüb. O, bu kursların keçirilməsinin doğma yurdlarına qayıdacaq sakinlərin qısa zaman ərzində yeni peşələrə yiyələnməsinə dəstək məqsədi daşıdığını bildirib.

Paylaş:

Kateqoriyalar

Eyni kateqoriyalı xəbərlər