2 aprel 2025, çərşənbə Bakı, 12°C
IMG-LOGO
  • 2 aprel 2025, çərşənbə 06:47:10 Bakı , 12°C
Ana səhifə Xəbərlər Ətraflı

Xəbər lenti:

Braziliyanın və Avstraliyanın bəzi ərazilərdindən quş əti məhsullarının ölkəyə idxalına məhdudiyyət qoyulub

29-07-2024
IMG

Ümumdünya Heyvan Sağlamlığı Təşkilatının (WOAH) rəsmi məlumatlarına əsasən, Braziliyanın Rui-Qrandi-du-Sul ştatında Nyukasl, Avstraliya İttifaqının inzibati ərazisində yerləşən Avstraliya Paytaxt Ərazisində isə yüksək patogen quş qripi xəstəlikləri qeydə alınıb.

Fhnews.az xəbər verir ki, bu barədə Azərbaycan Qida Təhlükəsizliyi Agentliyinin (AQTA) İnformasiya təminatı və innovativ həllər şöbəsi məlumat yayıb. Bildirilib ki, Respublika ərazisinin qeyd olunan yoluxucu xəstəliklərdən qorunması üçün Rui-Qrandi-du-Sul ştatında və Avstraliya Paytaxt Ərazisində zonalaşma prinsipi nəzərə alınmaqla, xəstəlik baş vermiş təsərrüfatdan 10 km radiusda olan məsafədə yerləşən müəssisələrdən diri quş və inkubasiya yumurtalarının, quş ətinin, tərkibində quş emalı məhsulları olan quş ətindən və bütün növ quşçuluq məhsulundan alınan hazır ət məhsullarının (xəstəlik viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəli, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına WOAH-nin “Quruda yaşayan heyvanların sağlamlıq Məcəlləsi”nə uyğun olaraq müvəqqəti məhdudiyyət tətbiq olunub.

Eyni zamanda, nəzarət tədbirlərinin gücləndirilməsi məqsədilə qeyd olunan inzibati ərazi vahidlərindən gələn, yaxud tranzitlə keçib Azərbaycana daxil olan, habelə respublika ərazisindən tranzitlə digər ölkələrə gedən nəqliyyat vasitələri ilə bağlı müvafiq tədbirlərin görülməsi üçün Dövlət Gömrük Komitəsinə müraciət olunub.

Paylaş:

Kateqoriyalar

Eyni kateqoriyalı xəbərlər