2 aprel 2025, çərşənbə Bakı, 11°C
IMG-LOGO
  • 2 aprel 2025, çərşənbə 05:56:33 Bakı , 11°C
Ana səhifə Xəbərlər Ətraflı

Xəbər lenti:

Bakıda kamandan oxatma üzrə ölkə çempionatı və birinciliyi keçiriləcək

22-08-2024
IMG

Bakıda kamandan oxatma üzrə Azərbaycan çempionatı və birinciliyi keçiriləcək.

Fhnews.az xəbər verir ki, Azərbaycan Kamandan Oxatma Federasiyasından verilən məlumata görə, yarışlarda ölkənin müxtəlif bölgələrini təmsil edən 50-dən çox peşəkar idmançı çempionluq titulu uğrunda mübarizəyə qoşulacaq.

Kişi və qadın idmançılar 16 yaşına qədər yeniyetmələr (30 metr məsafə), 16-18 yaşlı gənclər (60 metr məsafə) və böyüklər (70 metr məsafə) olmaqla üç kateqoriya üzrə bacarıqlarını göstərəcəklər.

Turnirin proqramına əsasən, avqustun 23-də məşq sessiyaları ilə başlayan çempionat ayın 24-də açılış mərasimi və sıralama atışları ilə davam edəcək. Nəhayət, oxatanların 1/4 final mərhələsindən finala qədər davam edəcək mübarizəsinə avqustun 25-də yekun vurularaq qaliblərin mükafatlandırılma mərasimi keçiriləcək.

Üç gün davam edəcək yarışlar saat 10:00-da Dənizkənarı Milli Park ərazisində baş tutacaq.

Bu çempionat yalnız ölkənin ən yaxşı oxçularını müəyyən etməklə yanaşı, həm də qədim ənənələri özündə yaşadan oxatma sənətinin inkişafı və qorunmasına töhfə verəcək.

Paylaş:

Kateqoriyalar

Eyni kateqoriyalı xəbərlər