2 aprel 2025, çərşənbə Bakı, 11°C
IMG-LOGO
  • 2 aprel 2025, çərşənbə 05:54:48 Bakı , 11°C
Ana səhifə Xəbərlər Ətraflı

Xəbər lenti:

Azərbaycanın dörd boksçusu beynəlxalq turnirdə yarımfinala yüksəlib

28-02-2025
IMG

Bolqarıstanın paytaxtı Sofiyada boks üzrə beynəlxalq “Strandja” turnirində 1/4 final mərhələsinə yekun vurulub.

Azərbaycan Boks Federasiyasından verilən məlumata görə, yarışda Azərbaycan millisinin 4 idmançısı yarımfinala yüksəlib.

Millinin liderlərindən Nicat Hüseynov (51 kiloqram) Skott Riçardsla (Uels) üz-üzə gəlib. 4:1 (29:28, 30:27, 28:29, 29:28, 29:28) hesabı ilə qələbə qazanan Avropa çempionu yarımfinalda Daniyal Sabitlə (Qazaxıstan) döyüşəcək.

57 kiloqramda çıxış edən Zəlimxan Süleymanov növbəti qələbəsini qazanıb. O, 1/4 finalda Miçele Baldassidən (İtaliya) güclü olub – 5:0 (29:28, 29:28, 29:28, 30:27, 29:28). O, finala gedən yolda Giorgi Kapanadzeni (Gürcüstan) sınağa çəkəcək.

Zaur Qəhrəmanov (67 kiloqram) da rinqdən qalib ayrılıb. Boksçumuz Canluici Malanqanı (İtaliya) 5:0 (29:27, 30:26, 30:26, 30:26, 30:26) hesabı ilə məğlub edib. Təmsilçimiz yarımfinalda Demur Kajaya (Gürcüstan) ilə münasibətinə aydınlıq gətirəcək.

Nəbi İsgəndərov (67 kiloqram) da adını yarımfinala yazdırıb. O, Rumen Rumenovla (Bolqarıstan) görüşü xeyrinə bitirib – 5:0 (30:24, 30:26, 29:27, 29:27, 30:26). İsgəndərov növbəti qarşılaşmasında Torexan Sabirxanla (Qazaxıstan) gücünü yoxlayacaq.

Dörd boksçu yarımfinala yüksəlməklə yanaşı, özləri üçün ən azı bürünc medalı da təmin ediblər.

Qeyd edək ki, yarımfinal mərhələsinin döyüşləri martın 1-də keçiriləcək.

Paylaş:

Kateqoriyalar

Eyni kateqoriyalı xəbərlər