2 aprel 2025, çərşənbə Bakı, 11°C
IMG-LOGO
  • 2 aprel 2025, çərşənbə 05:37:07 Bakı , 11°C
Ana səhifə Xəbərlər Ətraflı

Xəbər lenti:

Azərbaycan boksçuları “Drakula Open” turnirini 9 medalla başa vurublar

24-02-2025
IMG

Rumıniyada gənc boksçular arasında keçirilən “Drakula Open” beynəlxalq turnirinə yekun vurulub.

Boks Federasiyasından verilən məlumata görə, 23 ölkənin qatıldığı yarışı Azərbaycan millisi 4 qızıl, 1 gümüş və 4 bürünc medalla başa vurub.

Komandanın heyətində Bilalhəbaşi Nəzərov (51 kiloqram) finalda Maksim Maşevskini (Ukrayna) sınağa çəkib. 5:0 (29:28, 29:28, 29:28, 29:28, 29:28) hesabı ilə qalib gələn boksçu birinci yeri tutub.

Zidan Hümbətov (54 kiloqram) ukraynalı Oleksandr Paşiçenkodan güclü olub. O, həlledici görüşdə 3:2 (28:29, 30:27, 28:29, 30:27, 29:28) hesabı ilə qələbə qazanaraq fəxri kürsünün ən yüksək pilləsinə qalxıb.

Sübhan Babayev (57 kiloqram) finalda Stefan Udroiu (Rumıniya) ilə üz-üzə gəlib. Təmsilçimiz rəqibini 4:1 (30:27, 29:28, 29:28, 28:29, 29:28) hesabı ilə məğlub edərək qızıl medala yiyələnib.

Məhəmməd Cəfərov (+92 kiloqram) isə final görüşünün taleyini ilk raundda öz xeyrinə bitirib. Denis Cucuya (Rumıniya) tam üstünlüklə qalib gələn idmançı millimizin qızıl medal sayını 4-ə yüksəldib.

Digər boksçulardan Hikmət Məmmədov (48 kiloqram) gümüş, Baqir Əmirxanlı (60 kiloqram), Abbasqulu Şadlinski (75 kiloqram), Mircəlal Mirağayev (80 kiloqram) və Hüseyn Hüseynli (92 kiloqram) bürünc medal qazanıb.

“Drakula Open”i 9 mükafatla başa vuran Azərbaycan yığması komanda hesabında ikinci olub.

Paylaş:

Kateqoriyalar

Eyni kateqoriyalı xəbərlər