2 aprel 2025, çərşənbə Bakı, 11°C
IMG-LOGO
  • 2 aprel 2025, çərşənbə 06:03:40 Bakı , 11°C
Ana səhifə Xəbərlər Ətraflı

Xəbər lenti:

Arxeoloqlar Özbəkistanda itmiş dağ şəhərlərinin qalıqlarını tapıblar

24-10-2024
IMG

Arxeoloqlar Özbəkistanın cənub-şərqindəki sıldırımlı dağlarda qədim İpək Yolunun üstündə yerləşən orta əsr şəhərlərinin qalıqlarını aşkar ediblər. Onlardan biri uzun əsrlər boyu gizli qalmış, çox az adamın qədim sivilizasiyaların əlamətlərini tapacağını gözlədiyi yerdə hündürlükdə yerləşən o dövrün böyük şəhəridir.

Fhnews.az “National Geographic” saytına istinadla xəbər verir ki, beynəlxalq arxeoloji ekspedisiya dron texnologiyası sayəsində min ildən çox əvvəl Orta Asiyanın ucqar dağlarında mövcud olmuş və sonradan tərk edilmiş şəhərlər barədə fərziyyələri araşdırıblar.

“National Geographic Explorer”in tədqiqatçısı Maykl Fraçetti və Özbəkistan Milli Arxeologiya Mərkəzinin direktoru Farhod Maksudovun rəhbərlik etdiyi ekspedisiya VI-XI əsrlərdə çiçəklənən səs-küylü bir şəhərin qalıqlarını tapıb. Bu yaşayış məskəni 7200 fut hündürlükdə yerləşir və Peru And dağlarında Maçu Pikçu ilə müqayisə edilə bilər. Bu kəşf Avropanı birləşdirən qədim ticarət yollarının geniş şəbəkəsi olan İpək Yolu boyunca orta əsr şəhərlərinin xüsusiyyətlərinə, miqyasına və yüksəlişinə dair məlumatları zənginləşdirir.

Təxminən 300 hektar ərazini əhatə edən qədim Tuqunbulak şəhərinin xarabalıqları onun dövrünün ən böyük regional yaşayış məntəqələrindən biri olduğunu göstərir.

Vaşinqton Universitetinin antropologiya kafedrasının dosenti Maykl Fraçetti deyir: “Dron bizə orada nəhəng bir şəhərin izləri olduğunu göstərdi. Eyni zamanda, yeni texnologiya sayəsində bu nəhəng mənzərənin miqyasını heyrətamiz detallarla qiymətləndirə bildik”.

Təxminən üç mil uzaqlıqda yerləşən və daha kiçik, sıx tikililəri olan Taşbulak adlı şəhər də təfərrüatlı 3D ölçülü xəritələr yaratmaq üçün işıqdan istifadə edən uzaqdan zondlama metodu vasitəsilə tədqiq olunur.

Paylaş:

Kateqoriyalar

Eyni kateqoriyalı xəbərlər