4 may 2025, bazar Bakı, 13°C
IMG-LOGO
  • 4 may 2025, bazar 04:27:39 Bakı , 13°C
Ana səhifə Xəbərlər Ətraflı

Xəbər lenti:

Batumidə Azərbaycan ilə Gürcüstan arasında əməkdaşlığın daha da genişləndirilməsi imkanları müzakirə olunub

03-05-2025
IMG

Azərbaycanın Gürcüstandakı səfiri Faiq Quliyev və baş konsul Fuad Əzizov Acarıstan Muxtar Respublikası Hökumətinin başçısı Sulxan Tamazaşvili və aparat rəhbəri Giorgi Tsintsadze ilə görüşüblər

Bu barədə Azərbaycanın Batumidəki Baş konsulluğundan məlumat verilib. Bildirilib ki, görüşdə Azərbaycan ilə Gürcüstan arasında mövcud olan dostluq və strateji tərəfdaşlıq münasibətlərinin yüksək səviyyədə olduğu xüsusi vurğulanıb. İqtisadi, humanitar və mədəni sahələrdə əməkdaşlığın daha da genişləndirilməsi imkanlarını müzakirə olunub.

Acarıstan regionunda birgə layihələrin həyata keçirilməsi, turizm, təhsil və mədəniyyət sahəsində əməkdaşlığın inkişaf etdirilməsi əsas müzakirə mövzularından biri olub. Tərəflər qarşılıqlı anlaşma və dəstəyə əsaslanan münasibətlərin bundan sonra da inkişaf etdirilməsi üçün səylərin davam etdiriləcəyini bildiriblər.

Azərbaycan diplomatları daha sonra Acarıstanın mədəniyyət naziri Eliso Bolkvadze ilə görüşüblər.

Görüşdə Azərbaycan ilə Gürcüstan, xüsusilə də Acarıstan arasında mədəniyyət sahəsində əməkdaşlığın genişləndirilməsi imkanlarını müzakirə edilib.

İki ölkənin zəngin mədəni irsi və bu sahədəki əlaqələrin daha da inkişaf etdirilməsinin vacibliyi vurğulanıb. Gələcəkdə mədəniyyət sahəsində konkret layihələrin reallaşdırılması üçün lazımi tədbirlərin görüləcəyi xüsusi qeyd olunub.

Paylaş:

Kateqoriyalar

Eyni kateqoriyalı xəbərlər