9 may 2025, cümə Bakı, 24°C
IMG-LOGO
  • 9 may 2025, cümə 12:56:03 Bakı , 24°C
Ana səhifə Xəbərlər Ətraflı

Xəbər lenti:

Musiqi və incəsənət məktəbləri müəllimlərinin attestasiyasının növbəti mərhələsinə başlanılır

08-05-2025
IMG

Mədəniyyət Nazirliyinin sistemindəki musiqi və incəsənət məktəblərində fəaliyyət göstərən müəllimlərin attestasiyasının növbəti mərhələsinə başlanır.

Nazirlikdən bildirilib ki, mayın 12-də başlayacaq növbəti mərhələdə Quba-Xaçmaz, Mil-Muğan və Şirvan-Salyan regionları üzrə 20 musiqi və incəsənət məktəbinin fortepiano və musiqi nəzəriyyəsi ixtisasları üzrə müəllimlərinin, habelə əvvəlki mərhələdə üzrlü səbəbdən iştirak edə bilməyən təhsilverənlərin, ümumilikdə 620 işçinin attestasiyası keçiriləcək.

Qeyd olunan ixtisaslar üzrə komissiyalar formalaşdırılıb və attestasiyanın təşkili ilə bağlı texniki komanda tam şəkildə təlimatlandırılıb.

Qeyd edək ki, attestasiya proqramları ilə Mədəniyyət Nazirliyinin rəsmi saytının (https://culture.gov.az/az/announcements) elanlar bölməsində tanış ola bilərsiniz.

Xatırladaq ki, attestasiyanın ilk mərhələsi Bakı və Abşeron-Xızı regionları üzrə 47 musiqi və incəsənət məktəbinin 1759 nəfər fortepiano və musiqi nəzəriyyəsi müəllimini əhatə edib.

Mədəniyyət Nazirliyinin sistemindəki musiqi və incəsənət məktəblərində çalışan təhsilverənlərin peşəkar bilik, bacarıq və səriştələrinin qiymətləndirilməsi məqsədilə əmək qanunvericiliyinin tələbləri əsas götürülməklə müəllimlərin attestasiyası keçirilir.

Paylaş:

Kateqoriyalar

Eyni kateqoriyalı xəbərlər