28 dekabr 2024, şənbə Bakı, 10°C
IMG-LOGO
  • 28 dekabr 2024, şənbə 11:12:28 Bakı , 10°C
Ana səhifə Xəbərlər Ətraflı

Xəbər lenti:

BMT 2025-ci ili “Beynəlxalq buzlaqların qorunması ili” elan edib
 

27-12-2024
IMG

Tacikistanın təşəbbüsü ilə BMT Baş Assambleyasının 2022-ci ildə qəbul etdiyi qətnaməyə uyğun olaraq 2025-ci il “Beynəlxalq buzlaqların qorunması ili” elan edilib. Bu barədə Fhnews.az “BMT-nin xəbərləri” saytına istinadla xəbər verir.

Buzlaqların əriməsi ciddi qlobal problemə çevrilib. Son 20 ildə Qərbi Tyan-Şanda Qazaxıstan, Qırğızıstan və Özbəkistanı əhatə edən buzlaqlar 27 faiz kiçilib. Antarktida hər il orta hesabla 150 milyard ton, Qrenlandiya isə 270 milyard ton buz itirir.

UNESCO-nun 50 dünya irsi obyektinin üçdə birinin ərazisində 2050-ci ilə qədər buzlaqların yox olacağı gözlənilir. Bu ərazilər hər il 58 milyard ton buz itirir ki, bu da Fransa və İspaniyanın illik su istehlakına bərabərdir. Nəticədə dənizin səviyyəsi 5 faiz artıb.

Buzlaqlar 2 milyarda yaxın insanın su təchizatı, kənd təsərrüfatı və su enerjisi ilə təmin edilməsində əsas rol oynayır. Tacikistanda 14 min buzlaqdan mindən çoxunun əriməsi problem daha da aktuallaşdırır. Ölkənin buzlaqları Mərkəzi Asiyanın su ehtiyatlarının 60 faizə qədərini təmin edir.

“Beynəlxalq buzlaqların qorunması ili” buzlaqların əhəmiyyəti və gələcək nəsillər üçün onların qorunması zərurəti haqqında məlumatlılığı artırmaq məqsədi daşıyır. Gələn il Tacikistanda bu məsələyə həsr olunmuş konfrans keçiriləcək.

Paylaş:

Kateqoriyalar

Eyni kateqoriyalı xəbərlər