15 yanvar 2025, çərşənbə Bakı, 6°C
IMG-LOGO
  • 15 yanvar 2025, çərşənbə 04:29:42 Bakı , 6°C
Ana səhifə Xəbərlər Ətraflı

Xəbər lenti:

Sierra Leonedə Mpox virusuna görə "fövqəladə vəziyyət" elan edilib

14-01-2025
IMG

Qərbi Afrika ölkələrindən biri olan Sierra Leonedə 2 nəfərdə Mpox  virusu aşkar edildikdən sonra "fövqəladə vəziyyət" elan edilib.

Ölkə mətbuatında yer alan xəbərlərə görə, Səhiyyə naziri  Austin Demby jurnalistlərə bildirib ki, ölkədə 2 Mpox hadisəsinin təsdiqlənməsi Xalq Sağlamlığı Qanununa uyğun olaraq təcili tədbirlər görülməsini tələb edir. Qeyd edək ki, Sierra Leone hökuməti yanvarın 11-də ölkədə ilk M pox hadisəsinin aşkar edildiyini açıqlayıb.

Mpox virusu siçan və dələ kimi gəmiricilərdən və ya yoluxmuş şəxslərdən ötürülür. Virusun törətdiyi bədən səpgilərinə toxunmaq, bu səpgilərlə çirklənmiş paltar, çarşaf, dəsmal və bənzər əşyalardan istifadə etmək, bədən mayeləri ilə təmasda olmaq infeksiyanın ən mühüm səbəblərindəndir.

İlk simptomlar virusa yoluxduqdan sonra 5-21 gün ərzində görünə bilər. Virus ümumiyyətlə yüksək hərarət, baş ağrısı, kürək və əzələ ağrıları, şişkin limfa düyünləri, yorğunluq, üşütmə, üşümə və dəridə suçiçəyi kimi qabarcıqlara səbəb olur.

Paylaş:

Kateqoriyalar

Eyni kateqoriyalı xəbərlər