14 yanvar 2025, çərşənbə axşamı Bakı, 7°C
IMG-LOGO
  • 14 yanvar 2025, çərşənbə axşamı 17:40:19 Bakı , 7°C
Ana səhifə Xəbərlər Ətraflı

Xəbər lenti:

FTB Los-Ancelesdə təyyarəyə çırpılan pilotsuz uçan aparatı araşdırır

13-01-2025
IMG

Federal Təhqiqat Bürosu  Kaliforniya ştatının Los-Anceles şəhərində yanğınsöndürmə  təyyarəsinə çırpılan və icazəsiz olduğu təsbit edilən mülki pilotsuz təyyarə ilə bağlı araşdırma aparır. 

“CBS News”-un məlumatına görə, FTB-nin Los-Anceles ofisinin sözçüsü Laura Eimiller verdiyi açıqlamada, yanvarın 9-da mülki pilotsuz təyyarənin yanğınsöndürmə işlərinə qatılan yanğınsöndürən təyyarənin üzərinə düşdüyünü və təyyarənin sol qanadını deşdiyini bildirib.

Yanğınsöndürən təyyarənin təhlükəsiz eniş etdiyini və dronun ciddi zədələndiyini qeyd edən Eimiller pilotsuz təyyarənin Federal Aviasiya Administrasiyasının tətbiq etdiyi müvəqqəti uçuş məhdudiyyətini pozduğunu deyib. O,  pilotsuz təyyarəni icazəsiz uçuran şəxs və ya şəxslərin tapılması üçün araşdırmalara başlanıldığını bildirib.

Digər tərəfdən, Kaliforniya əyalət səlahiyyətliləri, yanğınlar başlayandan bəri ən azı 40 dəfə icazəsiz uçan dronların yanğınsöndürənlərin havadan müdaxiləsini pozduğunu qeyd edib.

Los-Ancelesdə yanğınların baş verdiyi ərazilərdə uçuş məhdudiyyətlərinin yanvarın 25-dək davam edəcəyi gözlənilir. Yanvarın 7-də şəhərin müxtəlif yerlərində başlayan və güclü külək səbəbindən sürətlə yayılan yanğınlarda 24 nəfər həyatını itirib, 16 nəfər itkin düşüb. Səlahiyyətlilər ölənlərin sayının artacağından narahatdır.

Təqribən 150 min nəfərin təxliyəsi üçün göstəriş verildiyi, 700-dən çox sakinin sığınacaqlara yerləşdirildiyi qeyd edilib.

Paylaş:

Kateqoriyalar

Eyni kateqoriyalı xəbərlər