15 aprel 2025, çərşənbə axşamı Bakı, 11°C
IMG-LOGO
  • 15 aprel 2025, çərşənbə axşamı 01:36:38 Bakı , 11°C
Ana səhifə Xəbərlər Ətraflı

Xəbər lenti:

Səudiyyə Ərəbistanında 14 yeni neft və qaz yatağı aşkar edilib

10-04-2025
IMG

Səudiyyə Ərəbistanının energetika naziri şahzadə Əbdüləziz bin Salman ölkədə 14 yeni neft və təbii qaz yatağının kəşf edildiyini açıqlayıb.

Nazir Bin Salman bildirib ki, bu kəşflər Səudiyyə Ərəbistanının qlobal enerji sektorunda lider mövqeyini möhkəmləndirir. Səudiyyə Ərəbistanının rəsmi xəbər agentliyi “SPA”-nın məlumatına görə, kəşfiyyatı həyata keçirən Səudiyyə Ərəbistanı Neft Şirkəti şərq bölgəsində və cənubda Rubulxali bölgəsində 6 neft yatağı, 2 neft ehtiyatı, 2 təbii qaz yatağı və 4 təbii qaz ehtiyatı aşkar edib.

Kəşf edilmiş yataqlardakı təxmini ehtiyat məbləğləri hələ açıqlanmayıb, lakin nazir Bin Salman vurğulayıb ki, bu kəşflər Səudiyyə Ərəbistanının karbohidrogen ehtiyatları ilə zəngin olduğunu və ölkənin qlobal enerji bazarında mövqeyini gücləndirəcəyini göstərir. Nazir həmçinin bildirib ki, bu inkişaf Səudiyyə Ərəbistanına həm yerli, həm də qlobal enerji tələbatını uzunmüddətli, səmərəli və davamlı şəkildə qarşılamağa imkan verəcək.

Bildirilib ki, yeni kəşflər, həmçinin Səudiyyə Ərəbistanının 2030-cu il Vizyonuna uyğun olaraq təbii ehtiyatlardan maksimum istifadə və qlobal enerji təhlükəsizliyini artırmaq məqsədlərinə töhfə verəcək.

Dünyanın ən böyük neft şirkəti olan “Aramco”  2023-cü il məlumatlarına görə gündəlik 12,3 milyon barel xam neft hasilat gücünə malikdir. Səudiyyə Ərəbistanı ABŞ-dan sonra dünyanın ikinci ən böyük xam neft istehsalçısı olaraq qalır.

Paylaş:

Kateqoriyalar

Eyni kateqoriyalı xəbərlər