23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 20:37:37 Bakı , 13°C
Ana səhifə Xəbərlər Ətraflı

Xəbər lenti:

Milli Müdafiə Universitetinin Hərbi Kollecinə tələbə qəbulu davam edir

13-04-2024

Milli Müdafiə Universitetinin Hərbi Kollecinə 2024–2025-ci tədris ili üçün tələbə qəbulu davam edir.

Fhnews.az xəbər verir ki, bu barədə  Müdafiə Nazirliyinin mətbuat xidmətindən məlumat verilib.

Azərbaycan Respublikası Müdafiə Nazirliyinin Milli Müdafiə Universiteti ölkəmizdə peşəkar hərbi mütəxəssislərin yetişdirilməsi və hərbi təhsil sisteminin orta ixtisas təhsil pilləsinin genişləndirilməsi məqsədilə hərbi kolleclər və müvafiq təhsil infrastrukturu təsis etmişdir. Müzəffər orduda xidmət edib peşə sahibi olmaq və liderlik qabiliyyətini inkişaf etdirmək istəyən gənclər üçün uğurlu seçimdir.

Kollec peşəkar hərbçilərin təhsilini və hazırlığını təmin etmək üçün dərin və müasir təhsil proqramı təklif edir. Yeni təhsil ocağında hərbi mütəxəssislərə öz sahələrində praktiki məşğələlər təmin etmək məqsədilə ətraflı tədris imkanları da təqdim edilir. Tədris zamanı yeni nəsil silah və hərbi texnika modellərindən, trenajorlardan müasir standartlara cavab verən tədris komplekslərindən, laboratoriyalardan, təlim mərkəzlərindən maksimum bəhrələnməklə təlim-tədris proseslərinin səmərəli təşkil edilməsi nəticəsində qabaqcıl texnologiyanın imkanlarından yüksək səviyyədə istifadə edilməsi təmin edilir.

Təhsil müddəti boyunca Hərbi Kollecin kursantlarına aşağıdakı aylıq ödəmələr təmin edilir:

• 100 manat məbləğində təqaüd

• 200 manat məbləğində ailə üzvlərinə maddi yardım

• 150 manat məbləğində hesabda yığılan ödəniş.

Hərbi Kollec peşə sahibi olmaq istəyən bütün potensial gənclərə qapılarını açır. Qəbul qaydaları və tədris prosesi ilə bağlı ətraflı məlumat almaq üçün mmu.edu.az veb-saytına daxil olmaq və ya 0811 qısa nömrəsinə zəng etmək lazımdır.

Paylaş:

Kateqoriyalar

Eyni kateqoriyalı xəbərlər