19 dekabr 2024, cümə axşamı Bakı, 6°C
IMG-LOGO
  • 19 dekabr 2024, cümə axşamı 11:24:54 Bakı , 6°C
Ana səhifə Xəbərlər Ətraflı

Xəbər lenti:

BDU-nun Şərqşünaslıq fakültəsində 14 ixtisas üzrə mütəxəssislər hazırlanır

12-08-2024
IMG

Bakı Dövlət Universitetinin (BDU) Şərqşünaslıq fakültəsində 4 kafedra (Ərəb filologiyası, Orta Şərq dilləri və ədəbiyyatı, Türk filologiyası, Uzaq Şərq dilləri və ədəbiyyatı kafedraları) və 1 elmi-tədqiqat laboratoriyası fəaliyyət göstərir.

Universitetdən verilən məlumata görə, fakültədə tələbələr müxtəlif Şərq ölkələri üzrə kompleks sahələr ilə tanış olur və biri əsas, digəri əlavə olmaqla minimum 2 Şərq dilinə yiyələnirlər. Fakültənin müxtəlif ixtisaslarından məzun olan tələbələr hər il öz sahələri üzrə uyğun olaraq təhsillərini ərəb ölkələrində, Türkiyə, İsrail, Pakistan, Yaponiya, Çin və Koreya universitetlərində davam etdirə bilirlər.

Şərqşünaslıq fakültəsində ixtisaslar 3 istiqaməti əhatə edir: regionşünasliq (Şərq ölkələri üzrə), filologiya (Şərq dili və ədəbiyyatı) və tərcümə (ərəb və fars dilləri üzrə).

Regionşünaslıq (ərəb ölkələri, İran, Türkiyə, İsrail, Pakistan, Yaponiya, Çin, Koreya üzrə) ixtisası üzrə universiteti bitirən məzunlar müvafiq olaraq dövlət qurumları, səfirliklər və beynəlxalq təşkilatlarda işləyə bilərlər.

Filologiya (ərəb, fars, türk dili və ədəbiyyatı üzrə) ixtisasını bitirən məzunlar həmin dillərin tədrisi ilə bağlı müəllim, tərcüməçi və müvafiq dövlət strukturlarında müxtəlif vəzifələrdə çalışa bilərlər.

Tərcümə (ərəb və fars dilləri üzrə) ixtisasını bitirən məzunlar əsasən tərcüməçi və ixtisaslaşdığı Şərq dili üzrə müvafiq dövlət strukturlarının xarici əlaqələr şöbəsində işləyə bilərlər.

Fakültədə tədris Azərbaycan və rus dillərində aparılır.

Paylaş:

Kateqoriyalar

Eyni kateqoriyalı xəbərlər