18 dekabr 2024, çərşənbə Bakı, 13°C
IMG-LOGO
  • 18 dekabr 2024, çərşənbə 11:03:40 Bakı , 13°C
Ana səhifə Xəbərlər Ətraflı

Xəbər lenti:

FIBAA-nın akkreditasiya sertifikatları UNEC-ə təqdim olunub

17-12-2024
IMG

Azərbaycan Dövlət İqtisad Universitetinin (UNEC) magistratura üzrə 3 ixtisas proqramı və 10 ixtisaslaşması, o cümlədən “İqtisadiyyat”, “Maliyyə”, “Biznesin idarə edilməsi”- FIBAA-nın (Foundation for International Business Administration Accreditation) beynəlxalq akkreditasiyasını qazanıb.

Universitetdən bildirilib ki, bununla bağlı keçirilən tədbirdə UNEC-in rektoru professor Ədalət Muradov universitetin beynəlxalq akkreditasiyasının qazanmasının çox qürurverici bir hal olduğunu bildirib. Ədalət Muradov bu uğurun önəmindən danışaraq, universitet təhsilinin beynəlxalq keyfiyyət standartlarına uyğun olduğunu vurğulayıb. O, həmçinin magistratura proqramlarının 5 il müddətinə və şərtsiz akkreditasiya olunduğunu qeyd edib.

Tədbirdə Elm və Ali Təhsil üzrə Dövlət Agentliyinin direktoru Ülkər Səttarova bu nailiyyətin təqdirəlayiq olduğunu qeyd edərək, universitet üçün beynəlxalq təcrübə qazandırdığını vurğulayıb. Ü.Səttarova FIBAA-nın rəhbərliyi tərəfindən sertifikatın rəsmi şəkildə təqdim olunmasının UNEC-in beynəlxalq əlaqələrinin genişləndirilməsi prosesində uğurlu addım olduğunu, FIBAA-nın universiteti dəstəklədiyinin göstəricisi olduğunu xüsusi vurğulayıb.

Təhsildə Keyfiyyət Təminatı Agentliyinin İdarə Heyətinin sədri Tural Əhmədov bu beynəlxalq akkreditasiyanın önəmindən danışaraq, UNEC-in akkreditasiya prosesində daha da inkişaf etdiyini, beynəlmiləlləşməsini vurğulayıb. T.Əhmədov Agentliklə universitetin əlaqələrinin genişləndirilməsinin əhəmiyyətini diqqətə çatdırıb.

FIBAA-nın icraçı direktoru Diane Freiberger təqdimatla çıxış edərək ENQA-nın üzvü, ali təhsilin akkreditasiyası və keyfiyyət ekspertizası üzrə beynəlxalq agentlik olan FIBAA haqqında məlumat verib. Bildirib ki, FIBAA Almaniya, Avstriya, Hollandiya, Çin, Hindistan, Rusiya, ABŞ, İsveçrə, Rumıniya, Sloveniya və digər ölkələrdə 1900-dən çox təhsil proqramlarını akkreditasiya edib.

Sonda isə FIBAA-nın icraçı direktoru beynəlxalq sertifikatları UNEC-in rektoru professor Ədalət Muradova təqdim edib.

Paylaş:

Kateqoriyalar

Eyni kateqoriyalı xəbərlər