18 dekabr 2024, çərşənbə Bakı, 13°C
IMG-LOGO
  • 18 dekabr 2024, çərşənbə 10:37:10 Bakı , 13°C
Ana səhifə Xəbərlər Ətraflı

Xəbər lenti:

Hərbi İdarəetmə İnstitutunda italyan dili kursunun buraxılış mərasimi olub

17-12-2024
IMG

Dekabrın 17-də Milli Müdafiə Universitetinin (MMU) Hərbi İdarəetmə İnstitutunun Xarici dil mərkəzində italyan dili kursunun növbəti buraxılış mərasimi keçirilib.

Müdafiə Nazirliyinin mətbuat xidmətindən verilən məlumata görə, tədbirdə Milli Müdafiə Universitetinin rektorunun elm üzrə müavini - Hərbi Elmi-Tədqiqat İnstitutunun rektoru general-mayor Arif Həsənov çıxış edərək Azərbaycan ilə İtaliya arasında hərbi təhsil sahəsində əməkdaşlığın uğurla inkişaf etdiyini vurğulayıb. O, keçirilən kursun əhəmiyyətindən danışaraq təhsili uğurla başa vuran hərbi qulluqçulara gələcək xidmətlərində uğurlar arzulayıb.

İtaliya Respublikasının Azərbaycan Respublikasındakı hərbi attaşesi 1-ci dərəcəli kapitan Cianfranko Vizzini kursun təşkilində və tədbirin ərsəyə gəlməsində əməyi olan MMU-nun professor-müəllim və zabit heyətinə minnətdarlığını bildirib.

Qeyd olunub ki, bu dilin öyrənilməsi ilə hərbi qulluqçularımız İtaliya Respublikasında müxtəlif ixtisaslar üzrə keçiriləcək kurslarda iştirak edərək öz bilik və bacarıqlarını daha da artıracaqlar.

Ölkəmizdə səfərdə olan İtaliya Müdafiə Nazirliyinin nümayəndə heyətinin də iştirak etdiyi buraxılış mərasiminin sonunda kurs iştirakçılarına sertifikatlar təqdim edilib.

Paylaş:

Kateqoriyalar

Eyni kateqoriyalı xəbərlər