24 noyabr 2024, bazar Bakı, 15°C
IMG-LOGO
  • 24 noyabr 2024, bazar 11:41:42 Bakı , 15°C
Ana səhifə Xəbərlər Ətraflı

Xəbər lenti:

Alimlər oranqutanqın bitki ilə yaraları müalicə etməsini öyrənir

03-05-2024
IMG

Oranqutanqın ağrıkəsici xüsusiyyətləri olan bir bitkidən istifadə edərək yaranı müalicə etdiyi görülüb və bu, vəhşi heyvanın dərman bitkisindən istifadəsinin ilk məlum nümunəsi olub.

Fhnews.az “Reuters” agentliyinə istinadla xəbər verir ki, İndoneziyadakı tədqiqatçılar üzündə yarası olan kişi Sumatra oranqutanqının ənənəvi tibdə uzun müddət istifadə edilən iltihab əleyhinə və ağrıkəsici xüsusiyyətlərə malik bitkinin şirəsini dəfələrlə tətbiq etdiyini sənədləşdiriblər. Meymun, həmçinin yarasını bitkinin yarpaqlarından hazırlanmış bir təbəqə ilə örtüb və bu, yaraların dərmanla müalicəsinin insanlar və meymunlar tərəfindən paylaşılan ortaq əcdaddan yarana biləcəyi ehtimalını yaradıb.

Bitkiləri yeməklə özünü müalicə etmək heyvan növləri arasında geniş yayılıb, lakin yaraların xüsusi bioloji aktiv maddə ilə müalicəsi əvvəllər görülməyib. İndoneziyanın Suaq Balimbing bölgəsində aparılan müşahidələr zamanı tədqiqatçılar Rakus adlı erkək oranqutanqın öz qonşusu ilə döyüş zamanı üzündən yara aldığının şahidi olublar. Bir neçə gün sonra onlar yaralı oranqutanqın Akar kuninq (Fibraurea tinctoria) bitkisinin yarpaqlarını qopardığını, onları çeynədiyini və şirəsini bir neçə dəqiqə ərzində təkrar-təkrar yarasına sürtdüyünü görüblər.

Akar kuning bitkisi ağrıkəsici xüsusiyyətləri ilə tanınır və ənənəvi tibdə malyariya kimi xəstəliklərin müalicəsində geniş istifadə olunur. Tədqiqatçılar bildiriblər ki, bitki kimyəvi birləşmələrinin təhlili antibakterial, iltihab əleyhinə, göbələk əleyhinə, antioksidant və yaraların sağalması ilə əlaqəli digər bioloji fəaliyyətlərə malik olduğu məlum olan furanoditerpenoidlərin və protoberberin alkaloidlərinin mövcudluğunu göstərir.

Alimlər müşahidə ediblər ki, oranqutanqın yarası heç bir iltihab əlaməti göstərməyib və bir neçə gündən sonra tam sağalıb.

Paylaş:

Kateqoriyalar

Eyni kateqoriyalı xəbərlər