22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:27:32 Bakı , 14°C
Ana səhifə Xəbərlər Ətraflı

Xəbər lenti:

Qazaxıstanda daşqınlar səbəbindən 8,5 min insan təxliyə məntəqələrində qalır

24-04-2024

Qazaxıstanda davam edən daşqınlar səbəbindən 8,5 min insan təxliyə məntəqələrində qalır.

Fhnews.az xəbər verir ki, Qazaxıstan Fövqəladə Hallar Nazirliyinin nümayəndəsi Askar Şarip bu barədə jurnalistlər üçün təşkil olunan brifinqdə deyib.

“Bu saatadək 31 min 112 nəfər öz evlərinə qayıdıb. Eyni zamanda 8 min 566 nəfər, o cümlədən 3 min 718 uşaq hələ də təxliyə mərkəzlərində qalır. Ümumilikdə isə mart ayından bəri 119 mindən çox insan daşqın zonalarından təxliyə edilib”, - deyə Askar Şarip bildirib.

Onun sözlərinə görə, hazırda respublikanın Atırau, Aktobe, Qərbi Qazaxıstan və Şimali Qazaxıstan vilayətlərində daşqınlara qarşı mübarizə tədbirləri davam edir. Qərbi Qazaxıstan vilayətinin Uralsk şəhərində Jayık (Ural) çayının səviyyəsində tədricən azalma müşahidə olunur. Daşqınlara qarşı mübarizəyə ümumilikdə 32 mindən çox insan, 4 min texnika və 13 təyyarə cəlb olunub.

Paylaş:

Kateqoriyalar

Eyni kateqoriyalı xəbərlər