27 noyabr 2024, çərşənbə Bakı, 10°C
IMG-LOGO
  • 27 noyabr 2024, çərşənbə 19:56:59 Bakı , 10°C
Ana səhifə Xəbərlər Ətraflı

Xəbər lenti:

İlk dəfə fiqurlu konkisürmə üzrə beynəlxalq yarışda iştirak edəcək “Ocaq Sport”un üzvləri kontrol məşqlərə başlayıblar

27-11-2024
IMG

“Ocaq Sport” klubunun kiçik üzvləri ilk dəfə olaraq fiqurlu konkisürmə üzrə beynəlxalq yarışlarda iştirak edəcəklər.

Azərbaycan Gimnastika Federasiyasından verilən məlumata görə, onlar dekabrın 5-6-da Özbəkistanın Daşkənd şəhərində keçiriləcək turnirə hazırlıq məqsədilə Heydər Əliyev adına İdman-Konsert kompleksinin buz arenasında kontrol məşqlərə başlayıblar.

“Fəaliyyətinin 10 ili ərzində klub yalnız gimnastikanın bütün növlərinin inkişafına diqqət yetirib və eləcə də beynəlxalq səviyyədə böyük uğurlar qazanıb. Lakin keçən ildən etibarən “Ocaq Sport” klubu öz fəaliyyət dairəsini genişləndirərək digər idman növlərinin, o cümlədən fiqurlu konkisürmənin inkişafına da başlayıb. Bu addım yalnız klubumuzun nailiyyəti deyil, eyni zamanda Azərbaycanın idman inkişafına da töhfədir. Biz fəxr edirik ki, kiçik fiquristlərimiz üçün beynəlxalq arenada yol açırıq. Bu, yalnız başlanğıcdır. Cəmi bir il ərzində məşqçi heyətinin koordinasiyalı fəaliyyəti, gənc idmançıların əzmi və valideynlərin dəstəyi sayəsində “Ocaq Sport” klubu ölkədə qış idman növlərinin populyarlaşması üçün yeni təməl qoyub. Kiçik fiquristləri qarşıda zəngin yarışlar və məşqlər gözləyir. Bu, onların hazırlıq səviyyəsini və Azərbaycan idmançılarının istedadını nümayiş etdirmək üçün gözəl fürsət olacaq”, – klubdan bildirilib.

 

Paylaş:

Kateqoriyalar

Eyni kateqoriyalı xəbərlər