26 noyabr 2024, çərşənbə axşamı Bakı, 10°C
IMG-LOGO
  • 26 noyabr 2024, çərşənbə axşamı 08:31:06 Bakı , 10°C
Ana səhifə Xəbərlər Ətraflı

Xəbər lenti:

Papa Notr- Dam kilsəsinin  açılışında iştirak etməyəcək

25-11-2024
IMG

Fransanın paytaxtı Parisin simvollarından olan dünyaca məşhur Notr-Dam kilsəsi dekabrın 7-də yenidən açılmağa hazırlaşarkən Papa Fransiskdən gözlənilməz bir addım gəlib. Xristian dünyasının ruhani lideri Papa açılışa qatılmaqdan imtina edib.

Vatikandan verilən açıqlamada, 88 yaşlı Papanın dekabrın 15-də "Aralıq dənizində xalq təqvası" adlı konfransın bağlanışı üçün Fransanın Korsika adasındakı Ajaccio şəhərinə gedəcəyi bildirilib. Papanın dəvəti rədd etməsi Parisdə böyük sürprizə səbəb olub. Vatikana yaxın mənbələr Papanın daha məşhur və ehtiyac duyulan yerlərə getməyə üstünlük verdiyini, buna görə də əhalisinin 90 faizinin katolik, 18 faizinin isə yoxsulluq həddinin altında yaşadığı adaya getməyi seçdiyini açıqlayıb. 

Xatırladaq ki, Fransanın paytaxtı Parisin simvollarından biri olan məşhur Notr-Dam kilsəsi 15 aprel 2019-cu ildə baş verən yanğında ciddi ziyan görüb. Kilsə bərpa işlərinin orijinala sədaqətlə aparılmasından 5 il sonra-dekabrın 7-də yenidən açılacaq.

Paylaş:

Kateqoriyalar

Eyni kateqoriyalı xəbərlər