26 noyabr 2024, çərşənbə axşamı Bakı, 10°C
IMG-LOGO
  • 26 noyabr 2024, çərşənbə axşamı 08:20:51 Bakı , 10°C
Ana səhifə Xəbərlər Ətraflı

Xəbər lenti:

Şiddətli fırtınalar Şimali Kipr Türk Respublikasında həyata mənfi təsir göstərib

25-11-2024
IMG

Bazar günü səhər saatlarından Şimali Kipr Türk Respublikasında başlayan şiddətli fırtına bütün ölkədə həyata mənfi təsir edib.

Paytaxt Lefkoşa başda olmaqla ölkənin bütün şəhərlərini təsir altına alan güclü külək nəticəsində ağaclar aşıb, damlar və lövhələr uçub, bəzi bölgələrdə zədələnmiş dirəklər və naqillər qırıldığı üçün elektrik enerjisində fasilələr yaranıb.

Teknecik Transformator Mərkəzində fırtına ilə əlaqədar yaranan nasazlıq səbəbilə səhər saatlarından etibarən Girnedə bir çox bölgəyə elektrik verilməyib.Gözəlyurt və İskele şəhərlərində fırtına səbəbindən bəzi əkinçilik sahələri, xüsusilə istixanalar zərər görüb.

Ölkənin Meteorologiya İdarəsi şiddətli fırtınanın bazar ertəsi səhər saatlarından başlayacağı barədə əvvəlcədən xəbərdarlıq edib. 

ŞKTR-nın Kənd Təsərrüfatı və Təbii Sərvətlər Nazirliyindən edilən yazılı açıqlamada, ölkə daxilində baş verən əlverişsiz hava şəraiti səbəbindən bütün kənd təsərrüfatı istehsalı sektorlarında, xüsusilə istixana, sığınacaq və balıqçılarda ciddi ziyanın olduğu vurğulanıb. Mənfi hava şəraitinin bir müddət daha davam edəcəyi ifadə edilib. 

Ölkə prezidenti Ersin Tatar  güclü küləyin vurduğu ziyandan zərər çəkən vətəndaşlara tezliklə şəfa diləyib.

Paylaş:

Kateqoriyalar

Eyni kateqoriyalı xəbərlər