22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:34:11 Bakı , 14°C
Ana səhifə Xəbərlər Ətraflı

Xəbər lenti:

Cənubi Afrikada yol qəzası 45 nəfərin ölümünə səbəb olub

29-03-2024

Botsvanadan Cənubi Afrikanın Limpopo əyalətinin Moriya şəhərinə gedən sərnişin avtobusu körpüdən uçuruma düşüb. Cənubi Afrikanın Nəqliyyat Nazirliyi sərnişin avtobusunun xəndəyə yuvarlanması nəticəsində nəqliyyat vasitəsində olan 46 nəfərdən 45-nin öldüyünü, 8 yaşlı uşağın isə ağır xəsarətlərlə qəzadan sağ çıxdığını açıqlayıb.

Açıqlamada bildirilir ki, sürücünün idarəetməni itirərək körpünün üzərindəki maneələrə çırpılması nəticəsində avtobus körpünün üstündən keçərək uçuruma yuvarlanıb və orada alovlanıb. Qəza yerində olan ölkənin Nəqliyyat naziri Sindisive Çikunqa hadisə ilə bağlı hərtərəfli araşdırma aparacaqlarını bildirib. 

Qeyd edək ki, avtobusun qəzaya uğradığı körpü Limpopo əyalətinin Mmamatlakala yaxınlığındakı iki yamacı birləşdirir.

Paylaş:

Kateqoriyalar

Eyni kateqoriyalı xəbərlər