22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:45:20 Bakı , 14°C
Ana səhifə Xəbərlər Ətraflı

Xəbər lenti:

Fukuşima AES-dən suyun okeana axıdılması dayandırılıb

24-04-2024

Yaponiyanın Fukuşima atom elektrik stansiyasından nüvə ilə çirklənmiş suyun okeana axıdılması dayandırılıb.

Fhnews.az xəbər verir ki, Yaponiya mediasının məlumatına görə, prosesin dayandırılması stansiyanın enerji təchizatı sistemindəki nasazlığın səbəb olduğu elektrik kəsintisi ilə əlaqədardır.

Beynəlxalq Atom Enerjisi Agentliyi məsələ ilə bağlı stansiyada araşdırmaya başlayıb.

Xatırladaq ki, aprelin 21-də Fukuşima AES-in 2011-ci ildəki dağıdıcı zəlzələ və sunami nəticəsində sıradan çıxmış üç reaktorunun soyudulması üçün istifadə olunmuş suyun Sakit okeana axıdılmasının 5-ci mərhələsi başlayıb. Bu mərhələdə okeana 7800 ton suyun buraxılması planlaşdırılır.

Yaponiya hökuməti bəyan edib ki, radioaktiv maddələrdən təmizlənən, lakin tərkibində hələ də tritium (hidrogenin radioaktiv izotopu) olan suda zərərli maddələrin miqdarı standartlardan xeyli aşağıdır və okeanın ekosistemi üçün heç bir təhlükə törətmir.

Paylaş:

Kateqoriyalar

Eyni kateqoriyalı xəbərlər