22 noyabr 2024, cümə Bakı, 14°C
IMG-LOGO
  • 22 noyabr 2024, cümə 05:06:37 Bakı , 14°C
Ana səhifə Xəbərlər Ətraflı

Xəbər lenti:

Ağcaqovaq meşələri Avropada bitki və heyvan aləminin bərpasına kömək edəcək

02-04-2024

Beynəlxalq alimlər qrupu Avrasiya ağcaqovağının meşələrin iqlim dəyişikliyinə qarşı müqavimətini və biomüxtəlifliyini artıra biləcəyi qənaətinə gəliblər. Bu gün bu ağaclara elə də xüsusi diqqət yetirilmir və potensialları layiqincə qiymətləndirilmir. Eyni zamanda, Avropada ağcaqovaq meşələri kəsilməyə məruz qaldıqlarına görə, onların sayı əhəmiyyətli dərəcədə azalıb.

Fhnews.az xarici mediaya istinadla xəbər verir ki, mütəxəssislər sahəsi 78 min kvadrat kilometrdən çox olan ərazidə meşələrin yerləşməsini araşdıraraq, ağcaqovaqların mühüm ekoloji əhəmiyyətini sübuta yetiriblər. Bu ağaclar müxtəlif bitkilər, heyvanlar və həşəratlar üçün unikal yaşayış mühiti təmin etməklə yanaşı, zəngin və müxtəlif ekosistem yaratmaq qabiliyyətinə malikdir.

Ağcaqovaqların əsas xüsusiyyəti həm toxum, həm də kök tumurcuqları vasitəsilə çoxalma qabiliyyətidir. Bu keyfiyyət ağacların ərazilərdə sürətlə çoxalmasına imkan verir ki, bu da yanğınlar, qasırğalar, xəstəliklər, həşərat hücumları və tez-tez baş verən iqlim dəyişikliyi ilə əlaqəli digər hadisələrdən sonra torpaqların bərpasına kömək edir.

Alimlər vurğulayıblar ki, Avropada ağcaqovaq meşələrini bərpa etmək üçün meşələrin idarə edilməsi təcrübəsində dəyişikliklərin edilməsi tələb olunacaq. Tədqiqatın ətraflı nəticələri “PLOS ONE” jurnalında dərc olunub.

Paylaş:

Kateqoriyalar

Eyni kateqoriyalı xəbərlər