21 aprel 2025, bazar ertəsi
Bakı, 11°C
- 21 aprel 2025, bazar ertəsi 06:01:25 Bakı , 11°C
Stolüstü tennisçilərimiz Gimnaziadada mübarizəyə başlayıblar
Serbiyada keçirilən Gimnaziada İdman Oyunlarında stolüstü tennis yarışlarına start verilib.
Fhnews.az xəbər verir ki, Azərbaycanın oğlan və qızlardan ibarət yığmaları hərəyə 3 oyunda mübarizə aparıblar. Oğlanlardan ibarət millimiz ilk görüşdə Hindistan-1-lə üz-üzə gəlib. Onur Quluzadə, Tunar Bağırov, Uğur Nəzərli və Şakir Qədirovdan ibarət yığma oyunlara qələbə ilə başlayıb. Onlar rəqiblərini 5:2 hesabı ilə məğlub ediblər. Komanda daha sonra Braziliyaya 3:4 hesabı ilə uduzsa da, Uqanda-2-yə 6:1 hesabı ilə qalib gəlib. Qrupda son oyunumuz sabah İraq millisinə qarşı olacaq.
Qızlardan ibarət yığma - Yağmur Məmmədli, Banu Baytallı, Xədicə Eylazova və Mələk Əhmədzadədən ibarət komandamız isə Çinlə üz-üzə gəlib. Yığma rəqibinə 0:7 hesabı ilə uduzub. Millimiz ardınca Serbiyaya 1:6 hesabı ilə məğlub olsa da, Bosniya və Herseqovinanın Serb Respublikasına 7:0 hesabı ilə qalib gəlib. Qrupda son oyunlar sabah keçiriləcək. Rəqiblərimiz Braziliya və Şimali Makedoniya olacaq.
7 aprel
Qrup mərhələsi
Oğlanlar, komanda yarışları
Azərbaycan – Hindistan – 5:2
Azərbaycan – Braziliya – 3:4
Azərbaycan – Uqanda-2 – 6:1
Qızlar, komanda yarışları
Azərbaycan – Çin – 0:7
Azərbaycan – Serbiya – 1:6
Azərbaycan - Bosniya və Herseqovinanın Serb Respublikası – 7:0
Qeyd edək ki, oğlanlarda qrupda ilk 2 yeri tutacaq komandalar 1/4, qızlarda 1/2 finala vəsiqə qazanacaq.
Yüksək Liqa: "Xilasedici" bürünc medal...
Bakıda bədii gimnastika üzrə Dünya...
Bakıda keçirilən bədii gimnastika üzrə...
Voleybol üzrə Azərbaycan çempionatında...
Bakıda keçiriləcək minifutbol üzrə dünya...
