2 yanvar 2025, cümə axşamı Bakı, 10°C
IMG-LOGO
  • 2 yanvar 2025, cümə axşamı 20:33:01 Bakı , 10°C
Ana səhifə Xəbərlər Ətraflı

Xəbər lenti:

Yunanıstanda uşaqların sosial mediadan istifadəsini tənzimləyən proqram açıqlanıb

30-12-2024
IMG

Yunanıstanda uşaqların internet və sosial mediadan istifadəsini tənzimləyəcək yeni hökumət proqramı açıqlanıb.

“Uşaqların internet asılılığından qorunması” adlı tədbirdə Yunanıstanın Baş naziri Kiryakos Mitsotakis hökumətin uşaqların internet və sosial media istifadəsini tənzimləmək üçün üzərində çalışdığı yeni proqram haqqında məlumat verib.

Mitsotakis sosial media və internet asılılığı olan uşaqların dünya ilə əlaqəsinin kəsildiyinə diqqət çəkərək fikirlərini belə əsaslandırıb: 
"Bu proses zamanı bir çox uşaq və yeniyetmələrin ciddi psixoloji problemlərinin olduğunu anlayırıq. Qızlarda müxtəlif, oğlanlarda isə fərqli problemlər yaranır. Depressiya, sosial izolyasiya, diqqət çatışmazlığı kimi problemlər pedaqoqlarımızın bizə çatdırdığı ən çox rast gəlinən problemlərdəndir.”

Mitsotakis sosial medianın qadağan edilməsinin nəticə verəcəyi ilə bağlı tərəddüdləri olduğunu bildirərək, hökumətin təklif etdiyi proqramın sosial medianın reallığı ilə uyğunlaşacağını bildirib.

Proqramın məzmunu ilə bağlı təfərrüatları paylaşan Mitsotakis uşaqların beyin strukturlarının inkişaf etdiyi üçün psixologiyasının qorunmasının zəruriliyinə diqqət çəkib.

Sözügedən hökumət proqramı üç əsas istiqamətdən ibarətdir: valideyn nəzarətinin artırılması, internet və sosial mediadan istifadədə uşağın yaşının dəqiqləşdirilməsi və rəqəmsal platformalarla əməkdaşlıq.

Paylaş:

Kateqoriyalar

Eyni kateqoriyalı xəbərlər