23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 20:13:01 Bakı , 13°C
Ana səhifə Xəbərlər Ətraflı

Xəbər lenti:

UNEP ilə Azərbaycan arasında COP29 çərçivəsində əməkdaşlıq məsələləri müzakirə edilib

27-06-2024
IMG

Energetika naziri Pərviz Şahbazov ilə BMT Baş katibinin müavini və Ətraf Mühit Proqramının (UNEP) icraçı direktoru İnger Andersen arasında görüş olub.

Fhnews.az xəbər verir ki, Energetika Nazirliyindən verilən məlumata görə, görüşdə UNEP-lə Azərbaycan arasında bir çox istiqamətlər, o cümlədən COP29 çərçivəsində əməkdaşlıq məsələləri müzakirə edilib.

Neft-qaz ölkəsi olaraq Azərbaycanın “yaşıl enerji” və iqlim üzrə fəaliyyəti, eləcə də “Qlobal Metan Vədi”nə qoşulması yüksək qiymətləndirilib, COP29 tədbirinə sədrliyin ölkəmizi iqlim dəyişmələrinə qarşı mübarizənin mərkəzinə çevirdiyi qeyd olunub. Söhbət zamanı COP29 sədrinin Fəaliyyət Gündəliyinə daxil olan təşəbbüslər və prioritetlərdən, həmçinin enerji aspekti üzrə beynəlxalq tərəfdaşlarla birgə həyata keçiriləcək tədbirlərdən bəhs edilib. Azərbaycanın bərpaolunan enerji sahəsinə transformasiyasını təmin edən layihələrdən, eləcə də müxtəlif regionlarda olan “yaşıl enerji” istehsalçıları ilə istehlakçılarını birləşdirən “yaşıl enerji dəhliz”ləri və interkonnektorların enerji keçidinə töhfələrindən danışılıb. UNEP-lə metan emissiyalarının azaldılması, ölkəmizdə aqro-fotovoltaik sistemin inkişaf etdirilməsi, az tullantılı və tullantısız elektrik nəqliyyatına keçid layihəsi üzrə əməkdaşlığın inkişafına dair geniş fikir mübadiləsi aparılıb.

Görüşdə Azərbaycan-UNEP əlaqələrinin möhkəmləndirməsində COP-la yanaşı, 2026-cı ildə Bakıda keçiriləcək Dünya Ətraf Mühit Gününün roluna da toxunulub.

Paylaş:

Kateqoriyalar

Eyni kateqoriyalı xəbərlər