22 noyabr 2024, cümə
Bakı, 14°C
- 22 noyabr 2024, cümə 03:27:42 Bakı , 14°C
Qurumuş Aral gölünün 1,7 milyon hektarında meşə salınıb
Özbəkistanda Aral gölünün quruyan hissəsinə meşə salmaqla ekoloji fəlakətin aradan qaldırılması istiqamətində işlər aparılır.
Aral gölünün quruyan hissəsində dünyanın ən gənc Aralqum səhrası formalaşarkən, Özbəkistan rəhbərliyi bölgədə səhraya davamlı ağac və bitkilər əkməklə və gölün quruyan hissəsinə meşə salmaqla bölgədəki ekoloji fəlakətin nəticələrini yumşaltmaq üçün səylərini davam etdirir.
1960-cı illərdən suları çəkilməyə başlayan Aral gölünün quruyan hissəsində meydana gələn Aralqum səhrasından yaranan qum və toz fırtınaları region ölkələrində hər il 100 milyon dollar dəyərində maliyyə itkisinə səbəb olur.
Bunun qarşısını almaq üçün region ölkələri gölün quruyan dibində meşəsalma işləri aparmaqla bu itkini əhəmiyyətli dərəcədə azaltmağı və bu fəlakətin bölgə əhalisinin sağlamlığına vurduğu zərəri minimuma endirməyi hədəfləyir.
Özbəkistan hökuməti son illərdə Aral gölünün quru hövzəsində meşəsalma işlərini sürətləndirib, gölün duzlu təbəqə ilə örtülmüş quru hissəsini yaşıllaşdırmaq və nəticədə qum və duzlu tozun yayılmasının qarşısını almağı qarşısına məqsəd qoyub.
Özbəkistanın Ekologiya, Ətraf Mühitin Mühafizəsi və İqlim Dəyişiklikləri Nazirliyindən verilən məlumata görə, hökumət bölgədəki ekoloji vəziyyəti yaxşılaşdırmaq üçün 2017-ci ildən bəri Aral gölünün quru hissəsində meşəsalma işlərini gücləndirir. Bu məqsədlə gölün quru dibinə Orta Asiya səhralarına xas olan saksovul kimi ağac və bitkilərin toxumları və bitkiləri yığılır, tinglər əkilir.
Bu çərçivədə 2017-ci ildə başlanan “yaşıl zolaq” layihəsi çərçivəsində gölün quruyan hissəsində 1 milyon 730 min hektar sahədə səhra ağacları və bitkilər əkilib.
Özbəkistan Nazirlər Şurasının Aral dənizinin quruyan hissəsində meşəsalma işləri ilə bağlı imzaladığı qərara əsasən, bu il Aral gölünün quruyan hissəsində 150 min hektar sahədə meşəsalma işləri aparılacaq.
Osman Həmdi bəyin tablosu Parisdə 571...
Ekspertin çağırışı: "Tsunami Türkiyənin...
Marsın peykləri üçün iki nəzəriyyə:...
Çanaqqalada aparılan qazıntılar zamanı...
Finlandiyada çovğun 70 min evi...
