22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:04:11 Bakı , 14°C
Ana səhifə Xəbərlər Ətraflı

Xəbər lenti:

Qəhvə sevənlər üçün yeni bir dövr başlayır

24-04-2024

Süni intellektin gücü ilə hazırlanmış "AI-conic" adlı yeni qarışıq qəhvə həvəskarlarını təəccübləndirməyə hazırdır...

Finlandiyanın üçüncü ən böyük qəhvə qovurma müəssisəsi olan Kaffa Roastery və süni intellekt konsaltinq şirkəti “Elev” birgə layihəsini təqdim edib. 

Paytaxt Helsinkidə yerləşən Kaffa  süni intellekt tərəfindən hazırlanmış "AI-conic" adlı qəhvə qarışığını təqdim edərək bunun  texnologiyanın ənənəvi olaraq əl sənətkarlığı ilə fəxr edən sektorda iş yükünü yüngülləşdirə biləcəyinə ümid edib.

Süni intellektə "ChatGPT və “Copilot”a bənzər modellərdən istifadə edərək ənənəvi ləzzət birləşmələrinin hüdudlarını aşaraq, qəhvə həvəskarlarının dadına ən uyğun qarışığı hazırlamaq tapşırılıb.

Braziliyanın məxməri Fazenda Pinhal qəhvəsinin üstünlük təşkil etdiyi dörd növ qəhvədən  ibarət "AI-conic" adlanan qarışıq süni intellekt tərəfindən müəyyən edilib. İlkin qovurma sınağından və dadma testindən sonra “Kaffa”nın qəhvə mütəxəssisləri texnologiyanın köməyi ilə hazırlanan qarışığın mükəmməl olduğunu deyiblər.

Qeyd edək ki,  Beynəlxalq Qəhvə Təşkilatının məlumatına görə, 5,6 milyon əhalisi olan Finlandiya ildə adambaşına 12 kiloqram qəhvə istehlak edir. Bu göstərici ilə Skandinaviya ölkəsi qəhvəyə tələbat üzrə dünyada birinci yerdədir.

Paylaş:

Kateqoriyalar

Eyni kateqoriyalı xəbərlər