22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:14:10 Bakı , 14°C
Ana səhifə Xəbərlər Ətraflı

Xəbər lenti:

Polşada sərxoş sürücülərin avtomobilləri müsadirə ediləcək

15-03-2024

Polşada sərxoş sürücülərin  avtomobillərinin müsadirə edilməsi ilə bağlı qanun qüvvəyə minib.

Yeni qanunla  yoxlamalar zamanı 1,5 promil spirti aşkar edilən bütün sürücülərin avtomobilləri müsadirə ediləcək. Qanunda hər hansı yol-nəqliyyat hadisəsində iştirak edən və qanında spirtin miqdarı 1 promil və ya daha çox olduğu müəyyən edilən sürücülərin qəza törətdikdən sonra hadisə yerini piyada və ya hər hansı nəqliyyat vasitəsi ilə tərk edən sürücülərin nəqliyyat vasitələrinin müsadirə edilməsi daxildir.

Sərxoş sürücünün tutulduğu nəqliyyat vasitəsi ona məxsus deyilsə, sürücü nəqliyyat vasitəsinin dəyəri qədər cərimə olunacaq. Spirtli içkinin idarə etdiyi nəqliyyat vasitəsi qəza nəticəsində yararsız hala düşərsə, sürücü nəqliyyat vasitəsini müsadirə etmək əvəzinə, həmin avtomobilin cari dəyərinə görə cərimələnəcək.

Polşada mövcud qanunlara görə, 0,2 ilə 0,5 arasında sərxoş olduğu müəyyən edilən sürücülərin sürücülük vəsiqələri əlindən alınır və 2500 zloti (1000 man) məbləğində cərimə tətbiq edilir. Promil səviyyəsi 0,5-dən çox olarsa, tətbiq edilən cərimə 5 mindən 60 min zlotiyə (2.000 - 26.000 man.) qədər artır. Eyni zamanda, sürücülük vəsiqəsi əlindən alınan və 15 cərimə balı tətbiq edilən sürücü barəsində ayrıca iddia qaldırılır. Yeni qanun yol-nəqliyyat hadisələrini daha da azaltmaq məqsədi daşıyır.

Statistikaya görə, Polşada hər gün 255 nəfər sərxoş vəziyyətdə avtomobil idarə edir. Ötən il polis ölkə üzrə yoxlamalar zamanı 90 mindən çox, bu  ilin əvvəlindən isə 13 minə yaxın sərxoş sürücünü yaxalayıb.

Paylaş:

Kateqoriyalar

Eyni kateqoriyalı xəbərlər