25 noyabr 2024, bazar ertəsi
Bakı, 12°C
- 25 noyabr 2024, bazar ertəsi 02:04:46 Bakı , 12°C
Pakistandan Əfqanıstana deportasiya edilmiş təxminən 250 min uşağın yardıma ehtiyacı var
Əfqanıstanda təxminən 250 min uşağın Pakistanı tərk etməyə məcbur edildikdən sonra yemək, sığınacaq və təhsilə ehtiyacı var.
Fhnews.az xəbər verir ki, bu barədə “Save The Children” Təşkilatı xəbərdarlıq edib.
Təşkilatın məlumatına görə, son aylarda Əfqanıstana qayıdan ailələrin, demək olar heç birinin sağ qalmaq üçün kifayət qədər qidası yoxdur, onların əksəriyyəti ailə və ya dostların köməyi hesabına yaşayır. Eyni zamanda, hər altıncı ailə çadırlarda məskunlaşıb. Onlardan yalnız üçdə biri Pakistandan bəzi əşyalar gətirə bilib.
"Ailələr Əfqanıstana demək olar ki, heç nəsiz qayıdırlar. Bu qədər böyük sayda insanın geri qayıtması onsuz da məhdud resurslara əlavə ehtiyac yaradır", - deyə Əfqanıstandakı “Save the Children” təşkilatının direktoru Arşad Malik xəbərdarlıq edib.
Təhsil daha bir problemdir: Əfqanıstana qayıdan uşaqların 65 faizi məktəbə getmir.
Təxminən yarısı yetkinlik yaşına çatmayan 520 mindən çox əfqan, ötən ilin oktyabr ayında hökumət sənədsiz əcnəbilərin bir ay ərzində könüllü olaraq ölkəni tərk etməli olacağını və ya deportasiya ediləcəyini bildirdikdən sonra Pakistanı tərk edib.
Əfqanıstanın təxminən hər yeddinci sakini evdən kənarda yaşayır. “Save the Children” təşkilatının hesabatında qeyd olunur ki, Əfqanıstan dünyada ən çox məcburi köçkün olan ikinci ölkədir.
Pakistan dünyada ən çox qaçqın qəbul edən ölkələrdən biridir, onların böyük əksəriyyəti dörd onillik ərzində ölkələrindəki müharibələrdən qaçan əfqanlardır.
“Bert” fırtınası İngiltərədə həyatı...
2250 illik kanalizasiya sistemi tapılıb...
Mozaika lövhəsindəki şifrə...
Alimlər sürətlə inkişaf edən ekzoplanet...
Çilidə 5,3 bal gücündə zəlzələ baş verib...
