24 noyabr 2024, bazar Bakı, 12°C
IMG-LOGO
  • 24 noyabr 2024, bazar 23:10:34 Bakı , 12°C
Ana səhifə Xəbərlər Ətraflı

Xəbər lenti:

Mərkəzi Elmi Kitabxana kitabsevərləri “Açıq qapı” günlərinə dəvət edir

27-05-2024
IMG

İyunun 3-4 tarixlərində Azərbaycan Milli Elmlər Akademiyasının Mərkəzi Elmi Kitabxanasında (MEK) “Açıq qapı” günləri keçiriləcək.

Fhnews.az xəbər verir ki, Akademiyadan verilən məlumata görə, kitabsevərlər qeyd edilən tarixlərdə Azərbaycanın zəngin mədəni irsinin mühafizə olunduğu MEK-də oxucular üçün yaradılmış şəraitlə, göstərilən xidmətlərlə, zəngin kitab fondu, elektron kataloq, kitabxana sistemləri ilə və s. yaxından tanışlıq imkanı əldə edəcəklər.

Tədbir çərçivəsində kitabsevərlər MEK-in Sərgi salonunda Ulu Öndər Heydər Əliyevin və Prezident İlham Əliyevin həyat və siyasi fəaliyyətini əks etdirən nəşrlərdən ibarət guşələr və hal-hazırda davam edən müxtəlif mövzulu guşələrə baxacaq, “Naxçıvan MR-100”, “Yaşıl dünya naminə həmrəylik ili”, “Məhəmməd Füzuli-530”, “Əziz Sancar” adlı sərgilərlə tanış olacaqlar.

“Açıq qapı” günləri 3-4 iyun tarixlərində saat 10:00-dan 18:00-dək davam edəcək. Giriş sərbəstdir.

Qeyd edək ki, MEK-ə yaxınlaşan ziyarətçilərin şəxsiyyətlərini təsdiq edən hansısa bir sənədin üzərlərində olması mütləqdir.

Paylaş:

Kateqoriyalar

Eyni kateqoriyalı xəbərlər