23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 19:42:03 Bakı , 13°C
Ana səhifə Xəbərlər Ətraflı

Xəbər lenti:

“Banklara aidiyyəti olan şəxslərlə əməliyyatların aparılması Qaydası” martda qüvvəyə minəcək

15-02-2024

Azərbaycan Respublikası Mərkəzi Bankının (AMB) İdarə Heyətinin 2024-cü il 31 yanvar tarixli Qərarı ilə “Banklara aidiyyəti olan şəxslərlə əməliyyatların aparılması Qaydası”nın yeni redaksiyası təsdiqlənib və bu il martın 13-dən qüvvəyə minəcək.

Fhnews.az xəbər verir ki, AMB-dan verilən məlumata görə, qaydanın qəbulu ilə 2001-ci ildən qüvvədə olan “Banklara aidiyyəti olan şəxslərlə əməliyyatların aparılması Qaydaları” ləğv edilib. Yenilənmiş qaydada beynəlxalq standartların son tələbləri, aktivlərin riskinə proporsional təminatlılıq tələbləri, bankda çevik qərarvermə prosesləri, habelə əvvəlki qaydadakı tələblərin daha da təkmil formada əksi ehtiva olunub.

Yeni qaydada aidiyyəti şəxs anlayışı dəqiqləşdirilmiş, anlayışda nəzərə alınan dolayı yolla iştirakın həddi, habelə aidiyyəti şəxslərlə güzəştli əməliyyatların qadağan edilməsi tələbində güzəştin hesablama metodologiyası müəyyən edilib. Qaydada aidiyyəti şəxs kreditləri həcminə görə əhəmiyyətli və qismən əhəmiyyətli aidiyyəti şəxs krediti kateqoriyalar üzrə təsnifləşdirilərək bu kreditlərə diferensial təminatlılıq tələbləri müəyyənləşdirilib, habelə banklarda aidiyyəti şəxslərlə əməliyyatlar üzrə qərarvermə prosesinə dair tələbləri müəyyən edilib.

Bundan əlavə, bankların fəaliyyətinə nəzarət prosesi zamanı aidiyyəti şəxslərlə əməliyyatlarında aşkar edilmiş normativ pozuntularının aradan qaldırılması üzrə müddətlər, eyni zamanda aidiyyəti şəxslərlə aparılmış əməliyyatlara dair Mərkəzi Banka təkmil hesabatlıq tələbləri müəyyənləşdirilib.

Bütövlükdə yenilənmiş qayda aidiyyəti şəxslərlə daha təhlükəsiz və sağlam bank əməliyyatlarının həyata keçirilməsini təmin edəcək, habelə bu əməliyyatlar üzrə şəffaflığın artırılmasına xidmət edəcək.

Paylaş:

Kateqoriyalar

Eyni kateqoriyalı xəbərlər