23 noyabr 2024, şənbə Bakı, 13°C
IMG-LOGO
  • 23 noyabr 2024, şənbə 20:32:49 Bakı , 13°C
Ana səhifə Xəbərlər Ətraflı

Xəbər lenti:

“Bakı Metropoliteni” “Metro” Beynəlxalq Assosiasiyasının illik müzakirələrində təmsil olunub

11-07-2024
IMG

Belarusun paytaxtı Minskdə “Bakı Metropoliteni” QSC-nin də üzv olduğu “Metro” Beynəlxalq Assosiasiyasının Şura iclası və üzvlərinin ümumi yığıncağı keçirilib.

Fhnews.az xəbər verir ki, QSC-dən verilən məlumata görə, görüşdə Bakı metrosunu istismar üzrə baş mühəndis Azad Mustafayev təmsil edib.

Tədbirdə iştirakçılara Assosiasiyanın gördüyü işlərlə bağlı hesabat təqdim olunub. Eyni zamanda, 2024-cü il üçün iş planına düzəlişlər edilib, maliyyə planı təsdiqlənib, prioritet fəaliyyət istiqamətləri, perspektivlər müzakirəyə çıxarılıb və digər təşkilati məsələlərə baxılıb.

Müzakirələrdə iştirak edən Azad Mustafayev Bakı metrosunun fəaliyyəti və digər məsələlərlə bağlı fikirlərini bildirib. “Bakı Metropoliteni” QSC-də bir sıra sahələr üzrə tətbiq edilən yeniliklər iştirakçıların marağına səbəb olub. Azad Mustafayev, həmçinin görüşlər də keçirərək, qarşılıqlı əlaqələrin inkişafı, təcrübə mübadiləsi ilə bağlı təkliflər verib.

Tədbir zamanı iştirakçılar Minsk metropoliteninin yeni stansiyaları və istismar sahələri ilə tanış olublar. “Bakı Metropoliteni” QSC-nin baş mühəndisi, həmçinin Böhran Vəziyyətlərində İdarəetmə Mərkəzinin fəaliyyəti ilə tanış olaraq, fikir mübadiləsi aparıb.

Paylaş:

Kateqoriyalar

Eyni kateqoriyalı xəbərlər