22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:32:14 Bakı , 14°C
Ana səhifə Xəbərlər Ətraflı

Xəbər lenti:

İtaliyada su elektrik stansiyasında partlayış olub

10-04-2024

İtaliyanın şimalında Suviana gölündə su elektrik stansiyasında baş verən partlayış nəticəsində 4 nəfər ölüb,5 nəfərin yaralandığı bildirilir. 
İtaliyanın ANSA agentliyinin xəbərinə görə, Emilia Romagna və Toskana bölgələri arasında sərhədi təşkil edən Apennin dağlarında Suviana gölündə yerləşən Enel enerji şirkətinin su elektrik stansiyasında yerli vaxtla saat 15:00 radələrində partlayış olub.

Mətbuatda dərc olunan müvafiq xəbərlərdə stansiyanın su səviyyəsindən aşağı bir nöqtədə baş verən partlayışdan sonra stansiyada yanğın baş verdiyi, yanğınsöndürmə briqadalarının xüsusilə alovlara müdaxilə etməkdə çətinlik çəkdiyi qeyd edilib.  Partlayışın  baş vermə səbəbləri araşdırılır. 

İtaliyanın baş naziri Giorgia Meloni X platformasındakı yazısında partlayışla bağlı bunları yazıb: 

"Suviana gölündəki su elektrik stansiyasında baş vermiş partlayışla bağlı dəhşətli xəbəri narahatlıqla izləyirəm. Hadisə zamanı yaralananların və həlak olanların ailələrinə öz adımdan və hökumət tərəfindən başsağlığı verirəm. Hadisəyə dərhal müdaxilə edən xilasetmə qrupları və axtarış-xilasetmə işlərinə qatılan hər kəsə təşəkkürümü bildirirəm."

Qeyd edək ki, Suviana gölü 1920-ci illərdə elektrik enerjisi istehsalı məqsədilə tikilmiş və sonralar turistik məkana çevrilmiş süni hövzədir.Partlayışın baş verdiyi su elektrik stansiyası ilə yanaşı “Bərgi” adlı daha bir su elektrik stansiyası var.

Paylaş:

Kateqoriyalar

Eyni kateqoriyalı xəbərlər