22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:28:25 Bakı , 14°C
Ana səhifə Xəbərlər Ətraflı

Xəbər lenti:

İlk “Airlander 10”  2028-ci ildə səmada olacaq

29-03-2024

Böyük Britaniyanın Doncaster şəhərində qurulacaq yeni dirijabl istehsalı müəssisəsi 2028-ci ildə havaya qalxması planlaşdırılan Hibrid Hava Vasitələri (HAV) "yaşıl" təyyarə parkının yaradılmasına töhfə verəcək.

HAV-ın "ultra aşağı emissiya" və "dünyanın ən səmərəli böyük təyyarəsi" kimi təsvir etdiyi  “Airlander 10” saatda təxminən 160 km sürətə çata bilir.

Bu yeni istehsal obyekti regionda 1200-dən çox ehtiyac duyulan yüksək ixtisaslı iş yeri yaradacaq və yaşıl aviasiyanı bir addım da yaxınlaşdıracaq. Şirkət Carcroft Common zavodunda ildə 24-ə qədər “Airlander 10” təyyarəsi istehsal etməyi hədəfləyir.

Yanmayan heliumla havada qalan hibrid hava vasitəsi 100 sərnişin və ya 10 tona qədər yük daşıma qabiliyyətinə malikdir.

“Hybrid Air Vehicles” şirkətinin baş direktoru Tom Qrundi hesab edir ki, yeni istehsal mərkəzi ildə 1 milyard funt sterlinq ixrac potensialına sahib olacaq. 

İspaniyanın regional aviaşirkəti Air Nostrum bu təyyarədən ilk istifadə edəcək və cəmi 4 il ərzində 20 “Airlander 10”-dan ibarət donanmanı Aralıq dənizinə aparmağı planlaşdırır.

Layihənin inkişafı “Airlander 10”-un 2016-cı ildə ikinci uçuş cəhdində qəzaya uğramasından 8 il sonra başlayıb. Təyyarə və qismən dirijabl olan 98 metr uzunluğundakı hava vasitəsi ikinci uçuş cəhdinin sonunda Cardington Airfield bazasına enərkən burnu ilə yerə çırpıldığında ekipaj üzvlərindən heç kim xəsarət almamışdı.

Paylaş:

Kateqoriyalar

Eyni kateqoriyalı xəbərlər